Zea Mays, Huntza eta Esne Beltza arituko dira 40 minutu rock jaialdian

Musika jaialdiaz haratago, elkartasunaren jaialdia ere bada 40 minutu Rock. Horregatik, ostiralean, kolore ezberdinak jai giroan batuta, Pirritx, Porrotx eta Marimototsek piztutako globoen eztanda handi batez hasiko da jaialdia.

'Etxeko giltzak'

Kantuz-kantu eta taldeka, taula gainean umeen bizipoza eta irribarrea piztuko dute. Euskal Herritik urruti dauden kartzelako umeengana bidaltzea dute xede.

Pailazoen emanaldiaren ostean 'Etxeko giltzak' eskainiko dute bertsolari, kantari eta dantzariek. 40 minutuko emanaldia izango da, presoek astebutuetan jasotzen duten denbora tarte bera, eta bertan Ane Gabilondo etea Uribarri Atxotegi dantzariak izango dira narratzaileak.

Beraien gorputz eta dantza adierazpenekin, preso eta iheslarien hutsuneak sortzen duena kontatzen ahaleginduko dira Landako Gunean. Ines Osinaga eta Mikel Urdangarinen musikarekin batera, Miren Amuriza eta Nerea Ibarzabal bertsolariak ere arituko dira lanean Gotzon Barandiaranek zuzendutako ekitaldian.