Secciones
Servicios
Destacamos
Edición
IRATXE ASTUI
BERMEO.
Martes, 12 de marzo 2019
Necesitas ser suscriptor para acceder a esta funcionalidad.
Compartir
Gaur hasiko da, beste urte batez, Bizkaiko Bertsolari Gazteen BBK sariketa. Hogehita zazpigarren edizioa, hain zuzen be, Mungiako Torrebillela aretoan (11.00) hasiko da eta bertan Busturialdeko taldeak Uribe-Butroekoa eukiko dau aurrez-aurre. Sariketaren helburua da, batez be, Bizkaiko «bertsolari gazteak taula gainera urteten animatzea eta gazteen arteko hartu-emona sendotzea eta alkar ezagutzeko aukera eskaintzea», azaldu dabe Bizkaiko Bertsolari Gazteen BBK sariketaren antolatzaileek.
Aurten, igezkoan egin zan antzera, zortzi eskualdetako 48 bertsolarik parte hartuko dabe. «Lau kanporaketa, finalaurreko bi eta finala izango dauz txapelketak», zehaztu dabe. Guztira zortzi talde izango dira, eskualde bakotxeko bat -Arratia, Busturialdea, Durango, Enkarterri-Ezkerraldea, Hego Uribe, Lea-Artibai, Uribe-Butroe eta Uribe Kosta-, hain zuzen be.
Juanjo Respaldiza antolatzaileak azaldu dauenez, gauza ederra da zortzi talde egotea, eta herrialde guztikoak. «Oraintsu arte ez zan erraza eskualde batzuetan taldeak sortzea. Gaur egun, ostera, errazago antolatzen doguz, eta talderen bati bertsolari bat faltatu bajako, beste eskualdeetakoak prest egoten dira euretako bat utzitzeko», baieztatu dau.
Maila bi
Urtero legez, sei bertsolari egongo dira talde bakotxean, maila bitan banatuta: 18 urtera artekoak eta 18 eta 25 urte bitartekoak. Kategoria bietako puntuazioak kontutan hartuta erabakiko dabe epaimahaikideek saio bakotxeko irabazlea. «Hortaz, talde lana funtsezkoa izango da», gogoratzen dabe.
Bigarren kanporaketa bihar jokatuko da, Igorren, (Hego Uribe-Arratia) eta hirugarrena datorren eguztenan izango da, Zallan (Enkarterri/Ezkerraldea-Uribe Kosta). Markina-Xemeingo saioa martiaren 21ean bututuko da (Lea-Artibai-Durangaldea). Finalaurreak Deustun, 27an, eta Sopelan, 28an, jokatuko dira. Finala, bestalde, apirilaren 3rako aurreikusita dago, Bilboko BBK Salan. Talde irabazleari multiabentura ekintza oparituko deutsie eta, ganera, finalista guztiei oroigarri bana emongo deutsie.
Publicidad
Publicidad
Te puede interesar
Publicidad
Publicidad
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.