Jabetzaren kontrako delituek behera egin dabe Bermeon azken hilabeteetan

Auzoetan, esate baterako, auzotarrekin alkarrizketa laburrak mantendu dabezala azaldu dabe. Gomendio batzuk emon deutseez bertako herritarrei, eta susmagarria dan zeozer ikusi daben galdetu deutse. «Baiezkoa izan ezkero, informazioa batzen dogu ikerketa hasteko». Udaltzainburuaren esanetan, baserri auzoetan «asko eskertu» dabe udaltzainen «laguntza eta presentzia».

Horrezaz ganera eta Ertzaintzarekin kooordinatuta, trafikoko kontrol prebentiboak be egiten dabilz egunotan Bermeon. Ibilgailuen egoera administratiboa eta COVID-19ak sortutako arau barriak betetzen dirala kontrolatzeaz gainera, herritik dabilzen edota herrira sartzen diran auto edo ibilgailu susmagarriak identifikatzen dabez. Horrei jarraipena egiten deutsie.

Bermeoko udaltzainek batutako informazioa Ertzaintzagaz partekatzen dabe; polizia bien artean ikerketak osotzeko. Herriko udaltzainburuak adierazitakoaren arabera, bestalde, COVID-19ak sortutako arau barrien kontrola «ez da gelditu». Horren harira, joan dan astean bainu gune ezberdinetan –Aritzatxu hondartza, Arribolas, Talape– kontrolak handitu ebezan, «herritarren segurtasuna eta osasuna bermatzeko».