Gernikako Andra Mari koralak Torogaz lotura estutu dau

Gernika-Lumoko Andra Mari Koralak kantuen bitartez estutu dau, aspalditik udalerriak Torogaz mantentzen dauan lotura. Harreman estu hori indar-tzeko, izan be, bertoko kultur taldeko kideek Zamorako herrian izan ziran, joan dan asteburuan, kontzertu bat eskaintzen.

«Kontzertuaren ostean, aukera euki genduan toresano gernikar ezagunakaz egoteko. Askorentzako emozinoz beteriko momentua izan zan hori», baieztatu eben Andra Mari koraleko lagunek. Kontzertua Santa Maria la Mayor kolegiatan eskaini eben; jendez «goraino» bete zan elizan, hain zuzen be. «Kontzertua, 'Gernikako Arbola' bis moduan eskeinita amaitu genduan», aitatu dabe.