600 euroko saria eskuratuko dau Bermeoko jaietako kartel hoberenaren diseinatzaileak

I. ASTUIBERMEO.

Bermeoko Andra Mari eta Santa Eufemia jaietako kartel lehiaketara aurkezteko epea hilaren 19ra arte zabalik mantenduko da. Diseinua «herriko jaietako adierazle izan behar da», eta beraz «jai parte-hartzaile eta sor-tzaileak, euskaldunak, feministak, solidarioak eta ekologistak izatea erakutsi behar dau», zehazten dabe Bermeoko Udaletik.

Kartelak testu hau eroan beharko dau: 'Bermeoko Jaiak 2019 Irailaren 7tik 16ra'. Lanak Bermeoko Gizarte eta Kultura Etxean aurkeztuko dira, izenburuarekin eta egilearen sinadura barik. Izenburu bera daroan gutun-azal itxi batean, egilearen datuak adieraziko dira.

Lehiaketako oinarriei dagokienez, lanek derrigorrez 50x70 zenimetrokoak izan behar dira, gura dan beste kolore eta edozein teknika erabiliz. Lana euskarri gogor bati lotuta edo euskarri informatikoan -CD edo pendrive batean- aurkeztu ahal izango da, hiru digitalizazio jakinakaz.

Epaimahaia Jai Batzordeko eta artearen munduko herriko kideek osatuko dabe. Aukeratutako kartel finalistak hilaren 25etik uztailaren 4ra ikusgai egongo dira. Ondoren, irabazlea aukeratzeko prozesua herritarrei zabalduko jake, ohizko moduan. Irabazlea uztailaren 5ean jakinaraziko da eta sari bakarra izango da, 600 eurokoa.

Temas

Bermeo