El dúo cubano D'Capricho inaugura el programa de ocio para otoño en Markina

I. A. GAUTEGIZ ARTEAGA.

Berbalagun egitasmoaren barruan, Gurasolagun martxan ipini dabe, beste urte batez, Bermeon. Aita-amek eta umeek elkarrekin euskaraz egiteko aukera izango daben berbataldeetan, «jolasak, txangoak eta tailerrak egiten doguz, helduak eta haurrak batera aritzeko» azaldu dau Marimar Hernandez Gurasolaguneko dinamizatzaileak.

Aurtengo ekintzen programaren barruan, gitxienez, urtean bitan, asteburu-pasak antolatuko dira. Gurasolagunen bidez,izan be, «gurasoen eta seme-alaben arteko transmisioa indartu gura da, eta baita gurasoen artean euskara praktikatzeko eta erabiltzeko ohiturak eta gaitasuna indartu be», zehaztu dabe.

Bestalde, Berbalagun egitasmoaren harira, beste ekintza osagarriak antolatzen hasi dira, «euskal kultura ezagutu eta euskara praktikatzeko». Ekintza osagarrien programan, besteak beste, bidaietako kronikak, eskulanak eta dantza tailerra izango dira, aurtengoan.

Gainera, iazko esperientzia arrakastatsua ikusita, aurten be, kirolaren edo naturaren inguruko jarduerak egiteko aukera eukiko dabe Berbalaguneko kideek. «Mendilagun, bizikletaz ibiltzeko taldeak, martxa nordiko eta berbabentura, esaterako», azaldu dabe.

Berbalagun egitasmoan, «edonork parte hartu daike: euskararen bidea egiten ari danak, praktikaren bidez euskara hobetu nahi dauenak edota euskaraz bizitzeko aukera gehiagoren bila dabilzenak», animatu dabe Bermeoko Udaleko Euskara Sailetik.