Akererbeltzek emongo deutso ondo etorria Bakioko Euskaraldiari, gaur

IRATXE ASTUI BAKIO.

Gaur hasten dan Euskaraldia kanpainari ongi etorria egiteko eta Euskararen Egunerako bidea prestatzeko, hainbat jarduera programatu dira Bakio. Gaur bertan, hain zuzen be, Akerbeltz taldearen kontzertua izango da, udalerriko Zubiaurrealdeko frontoian, 21:00etan. «Bertan, 'Belarri Prest' edo 'Aho Bizi' txapak ipinita emongo deutsagu hasiera ohiko harremanetan euskara gehiago erabiltzeko proposatzen dan ariketa sozialari», azaldu dabe, Bakioko ekimenaren bultzatzaileek.

Programazioaren barruan, abenduaren 2an, domekaz, Euskaraldiko bideo lehiaketako sari banaketa izango da, 18.00etan. Jarraian, 'Frontoia, begiz eta hotsez' tituludun antzezlana izango da ikusgai, Alaitasuna taldearen laguntzagaz, kiroldegiko frontoian. Hurrengo egunean, Euskararen Nazioarteko Eguna ospatuko da herrrian.

Berbaldia

Egun bereko programaren barruan, surfari buruzko berbaldia aurreikusita dago. Hitzordua herriko Kultur Etxean izango da, goizeko hamarretan. Ume zein gurasoei zuzenduta, bestalde, ipuin kontaketa musikatua iragarrita dago, Kultur Etxean bebai, 17.30ean hasita.

Arratsaldeko zazpiretan, 'Bakio: euskararen bilakaera eta herriaren garapena' berbaldia egongo da, Anartz Ormatzaren eskutik, herriko Kultur Etxean. «Ipuin lehiaketaren lanak aurkezteko azken eguna izango da hori», ohartarazo dabe Bakioko Udaletik. Euskaraldiaren kanpainaren barruan herriko hainbat taldek bideoak grabatu izan dabez.

Temas

Bakio