Aste Nagusian lapurretekin kontuz ibiltzeko ohartarazi du Ertzaintzak

Halako arau hausteak ahalbidetzen dituzten faktoreak ohikoak dira jende ugari pilatzen den lekuetan. Lapurrek kontaktu fisikoa, biktimen deskuiduak eta lasaitasuna aprobetxatzen dituzte. Jasotako zenbait salaketaren arabera, "labaneroak" ere izan dira. Kuterrak edo bestelako objektu zorrotzak erabiltzen dituzte poltsak eta jantziak mozteko eta baliozko objektuak eskuratzeko. Hori dela eta, Eusko Jaurlaritzako Segurtasun Sailak zenbait oinarrizko prebentzio neurri azaldu ditu: Bitxiak, dirua, telefonoa edo gailu elektronikoak ez erakustea, jende ugari pilatzen den lekuetan gauzak zaintzea eta poltsak terrazetan ez uztea, besteak beste.