Bilboko Deporivok Herriarteko finala jasoko du 23 urte geroago

Aurten, Abadiño eta Dima gehitu dira Bizkaiko Herriarteko Txapelketara. Elorriok, Arrankudiagak, Leioak, Atxondok, Durangok eta Santurtzik aldiz, ez dute parte hartu. Guztira 25 taldek hartu dute parte esku pilotan, saskian beste lauk eta erramintan beste lauk ere. Pilotariak kadete, gazte eta senior kategorietan lehiatu ahal izan dira.

Markina, faboritoa

Txapelketa hasi zen egunetik, Markina eta Gernika ziren faboritoak, iazko txapeldunordea eta txapelduna baitziren hurrenez hurren. Markinak 2008an estreinatu zuen garaipen zerrenda, eta ordutik 3 sari nagusi eta bi azpitxapelketa irabazi ditu. Lemoa, bestalde, aho zabalik uzteko alternatiba bezala aurkezten zen. Eta horrela izan da. Lemoa, Markinarekin batera, oso lehiatua izan den Txapelketako finaletara iritsi da.

Erraminta txapelketari dagokionez, jatorrizko formatura itzuli da, hau da, kadete, gazte eta senior kategoriatan jokatu da. Finalean Armintza eta Zalla lehiatuko dira larunbatean Zornotzako udal frontoian.