Hobekuntza-obrak Lucas Rey eta Zabaleko ikastetxeetan

Lucas Rey ikastetxean patioko zorua konponduko da, oso hondatuta baitago; horrez gain, haur hezkuntzako komunetako bat zaharberrituko da eta beheko solairuko ikasgeletako hezetasunak konponduko dira.

Zabalekon, gimnasioko lurzorua egokituko da. Abuztuan egingo da lan hori. Obra horiekin, Amurrioko Udalak ikastetxeen eskakizunen artean premia handiena dutenei erantzungo die, egunero 582 ikaslek erabiltzen dituzten instalazioak hobetze aldera.