Kometa taldeak erritmoa jartzen dio Araba Euskaraz jaialdiari

Hurrengo ekainaren 15ean Lapuebla de Labarcan ospatuko den Araba Euskaraz jaialdiaren abestia ezagutu dugu ostegun honetan. Kometa taldea izan da oraingo honetan euskararen festara musika jarriko diona eta Jimmy Jazz aretoan emandako kontzertuan entzuteko aukera eman dute.

Abestiak Mugan bizi, bizi titulua darama, jaialdiaren leloaren berdina, eta Assa Ikastolaren istorioa eta mugan bizitzearen ondorioak kontatzen ditu. Lapuebla de Labarca La Riojarekin mugan dagoen herri bat da eta lelo honen bidez mugan euskara bizi dela eta bizi-bizirik dagoela aldarrikatu nahi dute.

Mugan bizi, bizi

Berrogei urte atzera

Lapueblan izan zen aukera

lau euskaltzale zororen asmoa

amets baten hasiera

Hainbeste oztopo hainbeste traba

sasi guztien gainetik

labarkan asmo bakarra:

loratu dadin euskaraz

parapapaparararapa...

ezer galtzekorik ez eta

izabazteko dugu dena

akabo betiko pena

periferiaren kondena

aurrez aurre baitugu erronkarik ederrena

oroimena, sentimena

etorkizunerantz hegan mugan euskaraz

duitasunez bizitzeko dema

bizi! Mugan bizi, bizi, naiz ni

ikastolan hezi eta bihotzean hazi

bizi! Mugan bizi, bizi

naiz ni

ebro ertzean euskararekin topa

araba euskaraz errioxatik ate joka

txoria ere libre hegan txioka

altxa, mugi, altxa, iepa zatozte tropa...

parapapaparararapa...

bizi! Mugan bizi, bizi, naiz ni

ikastolan hezi eta bihotzean hazi

bizi! Mugan bizi, bizi

naiz ni