http://static.elcorreo.com/www/menu/img/zurekin-desktop.jpg

‘Vital Araban zehar Programa’ asteburu honetan itzuliko da

Zurbano, Agurain, Zanbrana, Angostina, Argantzun, Armiñon, Luna, Berantevilla eta Moreda izango dira bihartik igandera bitartean eskainiko diren ikuskizunen agertokiak

I.AGOTE

Duela hamarkada luzetik hona kultura Arabako txoko guztietara daraman ekimena da "Vital Araban zehar" programa. Musika taldeen emanaldiek, abesbatzen kantaldiek eta dantza eta ballet erakustaldiek, besteak beste, ematen diete forma hiru hilabete luzez gure inguruko herrietako kultura egitarauei. Ekimen ugari daude urtero, berrogeita hamar toki baino gehiagotan.

Aisialdirako aukera eskaintzeaz gain, Vital Araban zehar Programak plataforma lana egiten du, lurraldeko eskoletan ikasi duten artista taldeak jendaurrean aritu daitezen.

Abuztuko geldialdiaren ostean, musika-taldeen eta abesbatzen emanaldiekin bederatzi herritan. Zurbano, Agurain, Zanbrana, Angostina, Argantzun, Armiñon, Luna, Berantevilla eta Moredan izango dira asteburu honetarako aurreikusitako musika-saioak.

Atsedenaldiaren ondoren, ‘Vital Araban zehar Programa', ostiralean itzuli da 20:00etan eskaini ziren bi emanaldirekin. Ordu horretan, Zurbanoko plazak B3 Dixieland taldeari egin zion harrera, eta Aguraingo Santa Maria plazan Kirrinkilariak taldearen kontzertua entzuteko aukera izan zen.

Zanbranako Santa Luzia elizak hartuko du erreleboa larunbatean 13:00etan. Urkanta abesbatzaren kantaldiaz gozatu ahal izango dute bertakoek zein bisitariek. Arratsaldean, Araba abesbatzak kantatuko du Angostinako elizan, Mejora abesbatzaren emanaldia izango da Aragantzuneko elizan, eta Mecanic taldea Armiñonera helduko da bertako San Andres elizan kontzertua ematera.

Igandean, bestalde, hiru abesbatzak errezitaldia emango dute Luna, Berantevilla eta Moredan. Eguerdiko 12etan, Kuartangoko bailarako herriko elizan Bleibet abesbatzaren emanaldia entzun ahal izango da, ordu erdi beranduago Enol abesbatzaren txanda izango da Berantevillako elizan, eta, azkenik, 13:30ean Santocariz abesbatzako kideek beren piezarik ederrenak kantatuko dituzte Moredako elizan.

Fotos

Vídeos