http://static.elcorreo.com/www/menu/img/zurekin-desktop.jpg

Trapagraf-ek Trapagako kaleak kolorez beteko ditu

Grafitero bat./
Grafitero bat.

Gaur kaleko artean adituak diren hogei artista baino gehiago batuko dira herri bizkaitarrean

IZASKUN MOYANO

Gaurtik aurrera Trapagako kaleak kolorez beteta egongo dira, eta horren errudun da Trapagraf. Herri bizkaitarreko ospatzen diren San Ramon Nonato jaietan ezinbesteko hitzordu bilakatu da jaialdia urteetan zehar. Honetarako kamioiak eta beste hainbat elementu sprayekin margoztuta ikustea ez da arraroa izango. Hibernando elkarteak antolatzen duen edizio honek udalaren babesa izango du.

«Gaur egun artea kalera ateratzeko xedea duen graffitien munduak ez ditu jarraitzaile asko Euskadin. Hemen kalitate eta kopuru artistiko handia dagoen arren, Bartzelona, Madrid edota Valladolid bezalako tokietatik urrun gaude oraindik», adierazi du Pablo Eskauriaza.

Asteburu honetan muralismoko artista askok hartuko dute parte Trapagrafeko seigarren edizioan. Besteak beste, Ele Man, ManoMatic, Aspe, Jowon, Shore, Helius, Derrotero irudiak margozten arituko dira goizeko 10.00ak eta eta 22.00 gauekoak bitartean.

Aurrekoekin alderatuz, aurteko Trapagrafen berrikuntza aipagarriak izango dira nagusi. Izan ere, tailer ezberdinek edozeinen parte hartzea sustatuko du. Eguerdian adibidez, txapelak graffiti eta serigrafía ezberdinekin atontzeko tailerra eskainiko dute, eta arratsaldeko 16.00tan break dance dantzatzen ikasteko klaseetan parte har lezake nahi duen pertsona orok. Tailer guztiak Juan Sebastian Elcano kalean egingo dira, han eskegiko baitira marrazkiak egiteko egurrezko muralak.

Aurten Trapragraf graffitien erakusketak euskarri berriak dakartza. Alde batetik, parte hartzaile bik Renfeko trenbide ondoan dagoen Luis de Castresana kaleko eraikin batean graffitia egingo dute. Hau, Muskizerako bidea hartzen duten guztiek aise ikusi ahal izango dute. Beste alde batetik, bizkaiko hiru garraiolari profesionalek muralisten esku utziko dituzten beraien kamioiak hauek apaindu ditzaten, ondoren herritik beraien artea erakusteko abagunea izango dute. Gabaz DJ Nobleza eta Txuck Turnerren musikaz gozatzeko aukera izango dute bertara hurbiltzen direnek.

Fotos

Vídeos