http://static.elcorreo.com/www/menu/img/zurekin-desktop.jpg

Shinova taldearen bira Durangon geldituko da bihar

Shinova taldea./
Shinova taldea.

Boskote bizkaitarrak Plateruena aretoan joko du, Kitai bandarekin batera

Silvia Cantera
SILVIA CANTERA

Shinova taldearen bira amaitzear dago. Izan ere, Durangaldeko boskoteak bere azkenengo kontzertua bihar bertan emango du. Etxean jokatzeak beti giro berezia sortzen duela jakinda, bandak Durangoko Plateruena Kafe Antzokia aukeratu du momentuz eszenatokiei agur esateko. Ez dira bertan bakarrik egongo, Kitai taldeak ere joko baitu. Sarrera gutxi geratzen diren arren, oraindik 10 euroan eros daitezke.

Lagun eta herrikideen aurrean 'Volver' diskoko abestiak joko dituzte biraren azkenengo geldialdian. Hala ere, biharkoa ez da aurtengo azken kontzertua. Datorren larunbatean, Sidonie taldearekin batera Mahou-k antolatutako emanaldi bat izango dute Gijonen, gaueko 21.30ean. Orduan bai, Albéniz aretoko eszenatokitik beheratu orduko, zuzenekoak alde batera utziko dituzte uda heldu arte. Izan ere, beroarekin batera ospatzen diren jaialdi batzuetan haien presentzia baieztatu dute dagoeneko. Momentuz, Cadizeko No Sin Música, Almeriako Cooltural Fest eta Lugoko Portamérica festibaletan hilabete batzuen buruan izango direla jakinarazi dute.

Asteburu honetako kontzertuaz gain, Shinovak beste zazpi zuzeneko eman ditu areto txikietan. Burgoseko MEH museoan, Aranda de Dueron, Bartzelonako Apolon eta Alacanten egon dira, besteak beste. Duela bi aste, Madrileko Joy Eslavan egon ziren, non sarrerak bi hilabete lehenago agortu ziren. «Ezusteko izugarria izan zen. Oso maitatuak sentitu ginen. Ezin izango dugu ahaztu», gogoratu du Gabriel de la Rosak. Taldeko abeslariak areto txikietan sortzen den «intimitatea» gustoko du. Durangoko emanaldirako, gainera, sorpresa batzuk prestatu dituzte. «Jaialdiak erakusleiho izugarriak dira, baina edukiera txikiagoko lekuek gure show osoa egiteko aukera ematen digute».

Contenido Patrocinado

Fotos

Vídeos