http://static.elcorreo.com/www/menu/img/zurekin-desktop.jpg

Sexu-transmisioaren ondoriozko infekzioen prebentziorako 300.000 euroko laguntza onetsi dute

Mediku bat, HIESaren proba egiten./
Mediku bat, HIESaren proba egiten.

Irabazi-asmorik gabeko gizarte-ekimeneko erakundeek jaso ahalko dituzte diru-laguntzak, eta lehentasuna izango dute kolektibo ahulenen alde lan egiten dutenek

AMALIA IBARGUTXI

Euskal Autonomia Erkidegoan Giza Immunoeskasiaren Birusa (GIB) edo Hiesaren, C hepatitisaren eta sexu-transmisioaren ondoriozko infekzioen prebentzio zein kontrolean lan egiten duten irabazi-asmorik gabeko erakundeentzako aurtengo diru laguntzak onetsi ditu Eusko Jaurlaritzak. Administrazio publikoak garatutako jarduerak «ezinbestekoak dira eta infekzio horien transmisioa prebenitzeko eta eramaileen egoera hobetzeko baterako ahaleginean», adierazi dute prentsa ohar bidez.

Deialdiak 300.000 euroko aurrekontua du eta lehentasuna emango die kolektibo ahulenei zuzendutako ekimenei, baina ez dira baztertuko herritarrak oro har hartzaile dituen jarduketak. Biztanle ahultzat jotzen dira, besteak beste, gizonekin sexua duten gizonak, etorkinak, bide parenteraleko droga-erabiltzaileak eta prostituzioa egiten dutenak.

Gauzak horrela, batetik, gizonekin sexua duten gizonen kolektiboarekin esku hartzeko proiektuek jasoko dute laguntza. Baita ere, GIBa, C hepatitisa eta sexu-transmisioa dela eta ahulak diren beste kolektibo batzuei zuzendutako proiektuak: etorkinak, bide parenteraleko droga-erabiltzaileak eta prostituzioa egiten dutenak, eta, oro har, bazterketa-egoeran dauden pertsonak.

GIBaren, C hepatitisaren eta sexu-transmisioaren ondoriozko infekzioaren diagnostiko goiztiarrera bideratutako proiektuek ere jasoko dute laguntza, GIBarekin bizi diren pertsonentzako laguntza psikologikoko eta sozialeko proiektuek bezala. Laguntzaren zenbatekoa aurkeztutako aurrekontuaren arabera ezarriko da, bai eta beste finantzaketa-iturrien arabera ere; nolanahi ere, gehienez, 50.000 euro emango dira proiektuko.

Temas

Euskera

Contenido Patrocinado

Fotos

Vídeos