http://static.elcorreo.com/www/menu/img/zurekin-desktop.jpg

Sestaoko ‘Ostiral Kulturalak’ hastear dira

Alberto San Juan aktorea./EFE
Alberto San Juan aktorea. / EFE

Urtean zehar, besteak beste, Alberto San Juan, Lola Baldrich, Maria Luisa Merlo, Gorka Aginagalde eta Gurutze Beitia igoko dira taula gainera

IZASKUN MOYANO

Aurten ere Sestaon kulturaren aldeko apustu sendoa egin dute. Izan ere, urtero bezala, 'Ostiral Kulturalak' izeneko programa dagoeneko prest da. Lau eta zazpi euroan dauden sarrerak erosita benetako artisten ikuskizunez gozatzeko aukera izango dute herritarrek. Alberto San Juan, Lola Baldrich, Maria Luisa Merlo, Gorka Aginagalde, Humberto Gutierrez, Joseba Apaolaza, Lander Otaola, Diego Perez eta Gurutze Beitiak 29 antzerki eta musika ekitalditan hartuko dute parte urte osoan zehar.

Bihartik hasita datorren abendura bitartean ostiraletan udalerrira hurbiltzen den pertsona orok ekintza kulturalen batean parte hartzeko abagunea izango du. Aurten, Sarea euskal antzerki elkartearen eskutik ikuskizun profesionalek eta ez profesionalek ere tokia izango dute taula gainean. Horrez gain, emakumeen antzerkiaz, umorezko bakarrizketez edota Bilboko Orkestra Sinfonikoaren eskutik musika klasikoaren kontzertuez gozatzeko aukera eskainiko dute.

Beraien lanak urteetan zehar jasotako harrera onaren harira, hainbat izango dira aurten ere Sestaoko taula gainera igoko diren antzerki konpainiak. Beste batzuen artean, Tela Marinera, Txalo edota Glu Glu. Bestalde, oraingo honetan Gazteleku antzerki taldeak ere beraien ikuskizuna erakusteko abagunea izango dute, beraien lana ezagutzera ematen jarrai dezaten.

Bestalde, urtero bezala, Sestao, Hegoak elkarteak antolatzen duen Zinegoak Gaylesbotransen Nazioarteko Zinema Jaialdian ere parte hartze zabala izango du, bertan erakusten diren lanak emango baitituzte udalerrian. Honen harira, CEAR Errefuxiatuei Laguntzeko Elkarteak antzerki bat antolatu du, non atzerritik heldutako aktoreak izango diren nagusi.

Kulturaren aldeko apustua egiteko asmoz, 'Ostiral Kulturala'-eko sarrerak lau eta zazpi euroren artean salduko dituzte antzerkiaren arabera. Iazko prezio bera mantentzen da, horrela udalerriko biztanleek inguruko herrietan baino diru gutxiago ordainduta gozatu ahal izango dute ikuskizunaz.

Contenido Patrocinado

Fotos

Vídeos