http://static.elcorreo.com/www/menu/img/zurekin-desktop.jpg

12 lan saritu eta 27 irabazle izan dira Azkue Fundazioaren Komiki Digitalen aurtengo lehiaketan

Bosgarren edizio honetan Bizkaia eta Gipuzkoako 60 ikastetxeetako 3,886 ikasleak hartu dute parte

IZASKUN MOYANO

Azkue Fundazioak Komiki digitalen lehiaketaren 5. edizioko sari banaketa ekitaldia ospatu da Euskararen Etxean. Ikasturte osoan zehar Euskararen Interpretazio Zentroa bisitatzera etortzen diren ikastetxeetako taldeen arteko lehiaketa da.

Bosgarren edizioan, 2016-17 ikasturtean zehar, 3.886 ikaslek hartu dute parte, 60 ikastetxe ezberdinekoak. Lehiaketan ikasleek euskara eta teknologia lotzen dituzten gai bat landu eta horien edukiekin komiki digital bat sortu izan dute. Guztira ia 1700 lan ezberdinekin parte hartu dute ikasleek edizio honetan.

Komiki digitalen tailer eta lehiaketa hau, Euskararen Etxera bisitan datozen ikastetxeetako taldeekin jarduera osagarri moduan eskaintzen da. Ikasle taldeak Euskararen Interpretazio Zentroa bisitatu eta ondoren tailer praktikoa burutzen dute, beti euskara eta teknologia uztartzen dituena.

Tailer hauetan Lehen Hezkuntzako 5. maila eta Batxilergoaren arteko ikasle taldeek parte hartu dituzte. Lehiaketa 2 kategorietan banatuta dago:1go kategoriako taldeek, LH 5 eta 6.mailakoak eta DBHko 1go eta 2. mailakoak gai hauek landu dituzte: Euskarak badu lekua interneten; Pribatutasuna sare sozialetan; eta Smartphonen erabilera. Eta 2. kategoriako taldeek, DBH 3. eta 4. maila eta Batxilergoko 1go eta 2. mailako taldeek, beste gai hauek landu dituzte: Pribatutasuna sare sozialetan; Creative Commons eta edukien partekatzea; eta Sexting-a.

Talde bakoitzak hauetako gai bat landu du, begirale baten laguntzaz eduki orokorrak aztertuz; eta ondoren, sormenari eutsiz, proposatzen zitzaien komiki digital baten bunbuiloak osatu behar izan dituzte bikoteka edo hiruka.

Guztira 12 lan saritu dira eta 27 irabazle daude. Aurten Bizkaiko eta Gipuzkoako ikastetxeetako ikasleak izan dira sarituak, bi herrialdeen artean pareko suertatu direlarik. Lehenengo kategorian Bizkaiko ikastetxeak nabarmendu badira ere, bigarrenari dagoionean, ostera, Gipuzkoako ikastetxeetako parte hartzaileak nagusitu dira.

Temas

Euskera

Contenido Patrocinado

Fotos

Vídeos