http://static.elcorreo.com/www/menu/img/zurekin-desktop.jpg

Punta Begoñako hego galeriako sarrera berria muntatu dute

Udaletik gogorarazi dutenez, orain arte ez zegoen sarrerarik hego galeriako kanpoaldean

ELCORREO.COM

Punta Begoñako hego galeriako sarrera berria izango dena muntatu dute azken egunetan, egurrezko egitura (Arriluzeko Itsasoko Gurutze Gorriaren eraikinaren aurrean dauden lorategietan).

Udaletik gogorarazi dutenez, orain arte ez zegoen sarrerarik hego galeriako kanpoaldean (beti sartu da Ereagako hondartza aurrean egokitutako sarreratik). Beraz, sarrera berriak alde horretara pasatzea erraztuko die teknikariei, ikertzaileei eta kanpoko bisitariei. Sarrera berria prestatzeko hondartza aurrean dagoenaren antzeko egitura ipini da. Egur naturaleko elementua da, bi sarrerak mugimendu handikoak direnez gero irtenbide apropos bat bilatu nahi izan baita, eraikinarekin harmonikoa dena eta baliabide material eta bitartekoen gutxieneko kontsumoa duena. Uste da hilabete bat barru irekiko dela hego galeriako sarrera berria, 127.737 euroko kostua izan duena.

Halaber, aipatutako hego galeriako sabai aizunak desmuntatzeko lanak esleitzeko tramiteak hasi dira bideratzen, ez baitago egoera onean. Gune batzuk askatu egin dira eta beste batzuk edozein momentutan aska daitezke; horrenbestez, eremu horretako zati handi bat estaltzen duen sabai aizuna finkatu beharra dago.

Ura, arazo garrantzitsuenetakoa

Horrez gain, sabai aizunen balio didaktikoa aprobetxatuko da, eta horretarako egoera txarrean dauden gune batzuk, desmuntatu eta kendu ordez, finkatu egingo dira garaiera ertainean, bisitariei erakusteko zelan altxatu zen eraikineko alderdi hori.

Bestalde, datorren astelehenean, urriak 16, Galerietako aretoa iragazgaizteko lanak hasiko dira; 163.241 eurotan (BEZ barne) adjudikatu dira lanak. Galerietako areto nagusiko arazo garrantzitsuenetako bat, ura da, kalte egiten baitio. Areto gainean ur-putzu bat sortu da, beherantz sartu eta egitura, paretak eta beren margoak kaltetzen dituena, baita itoginak ere sortzen dituena.

Orain, arazoa aurkitu den gunea irazgaiztuko da. Lan horien bitartez aretoa apaintzen duten elementu eta materialak babestu ahalko dira, gutxieneko konfort maila batekin erabiltzen jarraitzeko, galeriei balioa emateko prozesuan zehar.

Temas

Euskera

Fotos

Vídeos