http://static.elcorreo.com/www/menu/img/zurekin-desktop.jpg

Printzesa eta egurgileen komedia dibertigarria egongo da ikusgai Arriagan

'La Ternura' obraren eszena bat./E. C.
'La Ternura' obraren eszena bat. / E. C.

Gaurtik igandera bitartean antzeztuko duten eta Shakespearen unibertsoan inspiratuta dagoen obra da 'La Ternura'

IZASKUN MOYANO

Oinazez beteriko arimak, joan etorriak, bihotz basatiak, desioak zein engainuak izango dira nagusi Arriaga Antzokiko taula gainean egun hauetan zehar. Alfredo Sanzolek zuzendutako obra honetan, maitasunak eragiten duen minetik babesteko ezintasuna erakutsiko da. Gaurtik igandera bitartean izango dute herritarrek 'La Ternura' izeneko komedia erromantikoa ikusteko aukera, non printzesa eta egurgileak izango diren protagonista.

Shakespeareren unibertsoan inspiratutako antzerkian, aise antzematen dira idazle ingelesaren estiloa, forma, atmosfera, pertsonaia, argudio, truku eta emaitzak. Elementu hauek guztiak azaleratuko dituzte taula gainean Paco Deniz, Elena Gonzalez, Natalia Hernandez, Javier Lara, Juan Antonio Lumbreras eta Eva Tranconek. Bestalde, talde tekniko aparta izan du ondoan zuzendari nafarrak: Alejandro Andrujar, eszenografia arduraduna; Pedro Yague, argiztatzailea; eta Fernando Velazquez, musikaria, besteak beste.

'La Ternura' izena daraman antzezlanak maitatzeko behar diren indarra eta ausardiaz hitz egiten du. Itxuraz biztanlerik ez duten uhartera helduko dira urperatze baten ondoren erregina ameslari eta bere bi alabak. Baina han bakarrik ez daudela konturatu dira. Izan ere, egurgile beldurtia eta bere bi semeak bizi dira. Esaten ez badute ere, samurtasuna aurkitzea izango da guztien helburua, modu batera edo bestera, leku batean edo bestean, batekin edo bestearekin.

Sarrerak 8,50 eta 24 euro bitartean izango dira, eta dagoeneko eskura daitezke antzokiaren webgune ofizialean, telefonora deituta edota txarteldegian bertan ere, aurretiazko salmenten ordutegia kontuan hartuta.

Contenido Patrocinado

Fotos

Vídeos