http://static.elcorreo.com/www/menu/img/zurekin-desktop.jpg

527 plaza eskainiko dituzte Barakaldoko kirol eskolek

Pilota, tenis, igeriketa eta atletismoa praktikatu ahal izango dira

ELCORREO.COM

Barakaldoko Udal Kirolak Eskolak urriaren 2an jarriko dira martxan eta 527 plaza eskainiko dituzte, herritarrek pilota, tenisa, igeriketa eta atletismoa praktikatzeko aukera izan dezaten. Irailaren 12an zabalduko da lau eskola horietan parte hartzeko izena emateko epea, eta irailaren 26ra arte egongo da zabalik, eskolen arabera.

Barakaldoko Udalak jakinarazi duenez, eskainiko diren toki guztietatik 297 geratzen dira, eskoletan lehendik zihardutenek prestatzen jarraitzea erabaki baitzuten joan den ekainean (orduan zabaldu zen ikasturtea amaitu zutenentzako matrikula egiteko epea).

Lasesarreko kiroldegiko igeriketa eskola izango da aurretiko izen-ematea zabaltzen aurrena, irailaren 12an. Mailak erabakitzeko probak irailaren 13an eta 14an egingo dira, 17.30ean. Eskola honek 251 toki dauzka, eta 149 libre daude.

Halaber, irailaren 14an zabalduko du Lasesarreko pilota eskolak izena emateko epea. Guztira 60 toki eskaintzen dituen arren, libre 51 geratzen libre. Irailaren 18tik aurrera tenisaren zaleek eman ahal izango dute izena Lasesarren; maila erabakitzeko probak hilaren 20an egingo dira, eta eskaintzen diren 108 tokietatik 92 daude libre.

Azkenik, irailaren 25ean eta 26an zabalduko da atletismo eskolan izena emateko epea. Adin desberdinetarako 108 toki eskainiko dira, eta oraindik 52 libre daude oraindik.

Barakaldoko Udal Kirola Eskoletako ikastaroak 5 eta 17 urte bitarteko barakaldoarrei zuzenduta daude, eta bizitza aktiboa, norberaren autonomia eta aisialdia betetzea dute xede.

Fotos

Vídeos