http://static.elcorreo.com/www/menu/img/zurekin-desktop.jpg

«Lau ordu Tour-a ikusten» ematen zituzten TAOko zazpi langile kaleratu dituzte

Detektibeen lanari esker harrapatu dituzten pertsonon esanetan, ekintzon oinarria lan egoera okerrean omen dago

IZASKUN MOYANO

Bilboko TAO zerbitzuak zazpi langile kalera bota ditu «lau ordu Frantziako Tour-a ikusten» ematen omen zituztelako. Kaleratzeak burutu aurretik, sei hilabetetan zehar ekintzok egiazkoak zirela frogatu duten detektibeak kontratatu zituzten. Izan ere, langileok “ez zituzten beraien lan eginbeharrak betetzen”. Bizkaiko hiriburuan ordaindu beharreko aparkalekuak kontrolpean mantentzeari uko egiten zioten. Bestalde, langileok adierazitakoaren arabera, kaleratzeen oinarrian lan egoera okerra dago.

Lan taldearen esanetan, kaleratutako bat beraien ordezkaria omen zen. Ondorioz, kaleratzeen aurkako greba egiteko asmoa dutela adierazi dute. Hala ere, zerbitzuko buruen aburuz, «zazpi hauekin izandako arazoak aspalditik datoz eta ez dute lan hitzarmenarekin zerikusirik». Horregatik, hain zuzen ere, erabaki zuten aurreko udan beraiek egindako lana aztertzeaz arduratuko zen detektibe zerbitzua kontratatzea.

Txostenean agertu den bezala, langileok portaera desegokia erakusteaz gain, betebeharrak betetzeari uko egiten zien. Argazkiek argi erakusten omen dute zazpietako batek «ez zuela ordubete ere lanean pasatzen», edota «lau ordu pasatzen zituztela tabernan sartuta Frantziako Tour-aren etapa ikusten». Beraz, enpresak adierazi bezala «hitzarmenetik urrun dagoen kontua da hau».

Baina langileen ikuspegia guztiz kontrakoa da. Izan ere, hauetako edozein izan zitekeen aztergai, eta «kaleratzeon atzean aspalditik datozen lan arazoak daude». Beraien esanetan onartezinak diren ordutegia eta baldintzak ezarri nahi omen dizkie. «Enpresak gaizki jokatu du detektibeen zerbitzuak kontratatzerako orduan». Izan ere, askotan lan egitea eragozten dien sistema berrien arazoei leporatzen die errua, ELAko kide batek.

Temas

Euskera

Contenido Patrocinado

Fotos

Vídeos