http://static.elcorreo.com/www/menu/img/zurekin-desktop.jpg

Niga Latif eta Azar Othman, BilbaoArten, Moving Artists erakundeari esker

Lorea Bilbao eta Ixone Sádaba, Niga Latif eta Azar Mahmoodekin./
Lorea Bilbao eta Ixone Sádaba, Niga Latif eta Azar Mahmoodekin.

Ezegonkortasun, krisi, gatazka edo zentsura egoeran bizi diren arteko profesionalei mugitzeko erraztasuna eskaintzen dien lehenengo erakundea da hau

ELCORREO.COM

Moving Artists erakundeak arriskuan dauden arte-profesionalei mugikortasuna erraztea eta gatazka-eremuetako artisten eta kanpoko artista-komunitateen arteko elkarrekintza du xede bezala. Orain, zehazki, proiektu handi bat abian jartzera doa, bi artista kurdu-irakiarren trukearekin.

Ezegonkortasun, krisi, gatazka edo zentsura egoeran bizi diren arteko profesionalei mugitzeko erraztasuna eskaintzen dien lehenengo erakundea da hau eta bere lehenengo trukea Azar Othman eta Niga Salam Latif artista kurdu-irakiarrekin egingo du, horiek Bilbon egoliartza artistikoa egiteko beka bat baitute gaur egun.

Niga Latif (argazkilaria, 21 urte) eta Azar Othman (eskultura eta instalazioa, 31 urte) Suleimaniyakoak dira, Kurdistaneko eskualde autonomoko hiriburu kulturalekoak eta lehengo maiatzean aukeratu zituen erakundeko epaimahaiak. Programa honek bidaia, ostatua, lanerako gune bat eta dietetarako laguntza ekonomikoa ematen dizkie artistei.

Sei aste iraungo du, artistek BilbaoArten egingo dute praktika eta Rekalde aretoarekin lankidetzan jardueretan hartuko dute parte. Hortaz aparte, edizio hau joan-etorrikoa da, hau da, maiatzerako Euskal Herriko artistentzako deialdi ireki bat dago aurreikusita, 2018 amaieran Kurdistanen egoiliartza artistikoa egin nahi badute.

Erakundeak bidaia, ostatua, lanerako tokia eta dietetarako zuzkidura emango die artistei. Moving Artistek gune kartsu berriak sortu nahi ditu sormen artistikorako, lankidetzarako espazioak.

Egungo egoliartza programez gain, erakundea arte-profesionalaren mugimendua sustatzeko modu berrien bila dabil etengabe muga politiko eta ideologikoen gainetik, dela gatazka egoeran dela gatazkaren baten ondoren. Gero eta konplexuagoa da gure komunitate globala eta arte bizien ondarea babestea eta trukatzea funtsezkoa da diplomaziarentzat eta erresilientziarentzat ere.

Temas

Euskera

Contenido Patrocinado

Fotos

Vídeos