http://static.elcorreo.com/www/menu/img/zurekin-desktop.jpg

Nerabeeen identitateaz ariko da Said El Kadaoui

'No' izeneko eleberria aurkeztuko dute Algortako Kultur Aretoan hilaren 19an. Hurrengo egunean, nerabeei buruzko hizketaldia ere emango du Romo Kultur Etxean idazle katalanak

AMALIA IBARGUTXI

Aste betea dator. Said El Kadaouik liburu berria plazaratu du, 'No' izenekoa. Algortako Kultur Aretoan aurkeztuko du ostegunean. Hurrengo egunerako nerabeen identitatearen inguruko hizketaldia ere emango du, Romo Kultur Etxeko (RKE) Gure gune Gaztelekuan, Santa Eugenia plazan, 10.00etatik 12.00etara.

Udalak Zurrumurruen aurkako Estrategiaren barruan antolatu du liburuaren aurkezpena, Liburuategiak Topaleku programaren laguntzarekin. Hala, liburuaren idazlearekin hitz egiteko aukera izango dute bertaratutakoek. Liburuaren egilea Said El Kadaoui (1975) psikologo, idazle eta kazetari marokoar-kataluniarra da. Horregatik, eleberriak marokoar, kataluniar, espainiar eta europar identitateak dituen literaturako irakasle baten istorioa kontatzen du.

Ekitaldia Rubén A. Arribas editore eta 'Bigarren begiradak' eleberriaren autoreak aurkeztuko du, Getxon izan diren migrazioei buruzko liburuaren egileetako batek, hain zuzen. Udalerriko kultura arteko jarduera izango da, «literatura eta gizarte-elkarrizketen konbinazio bat» sortzeko asmoz antolatu dutena, jakinarazi dutenez. Ekitaldia apirilaren 23an ospatzen den Liburuaren Nazioarteko Egunarekin bat etortzeko antolatu da.

Bestalde, hurrengo egunean, apirilaren 20an, Said El Kadaouik nerabeen identitatearen genealogiari buruzko mintegia gidatuko du, RKEn dagoen Gure gune Gaztelekuan, Santa Eugenia plazan, 10:00etatik 12:00etara. Bertan, etorkinen seme-alaben identitatea eraikitzea errazten eta oztopatzen duenari buruz mintzatuko dira.

El Kadaoui Marrokon jaio zen eta 7 urte dira Katalunian bizi dela. Gaur egun Gaváko Nerabeentzako Eguneko Erietxean lan egiten ari da eta ikerketa lanak ere egiten ditu, batez ere, migrazioaren eta identitatearen esparruan, buru osasunari buruz.

Jardueretan izen ematea posta elektronikoz (inmigracion@getxo.eus) edo telefonoz (944660151) egin dezakete interesatuek.

Contenido Patrocinado

Fotos

Vídeos