http://static.elcorreo.com/www/menu/img/zurekin-desktop.jpg

Musika, gogoetak, dibertsioa eta publikoaren parte hartzea, Arriaga Antzokian

Musika, gogoetak, dibertsioa eta publikoaren parte hartzea, Arriaga Antzokian
E. C.

Asteburu honetan Asier Etxeandia aktore eta abeslariarekin batera beste bost artista txandakatuko dira taula gainean

IZASKUN MOYANO

Eguraldi hotz eta euritsua dago iragarrita asteburu honetarako. Baina honek ez ditu herritarrak etxean utziko. Izan ere, hamaikatxo ekintza daude gozatzeko hiriburuan. Besteak beste, Arriagan 'Los Visitantes' izeneko ikuskizuna antzeztuko dute bost artistek. Bertan, zuzeneko musika, pertsonaien gogoetak, barre algarak eta publikoaren parte hartze aktiboa izango dira nagusi.

'El intérprete' obrarekin arrakasta itzela lortu ostean, Asier Etxeandia aktore eta abeslaria Arriaga Antzokira itzuliko da, bestelako proposamen honekin. Teilatu batean jan eta edateko elkartzen dira bost artista. Aurretik aipatutakoan aldamenean izango ditu Valerie Tasso idazle eta sexologo frantsesa, eta Enrico Barbaro musikari italiarra. Boskotea osatzeko ordea, honako 'bisitari' hauek txandakatuko dira: Jon Maia bertsolaria, Raketa Brokobitx perfomerra eta Iru, antzezle eta zuzendaria.

Arrate Etxebarria antzezle getxotarra izango da zeremoniako maisu lanetan. Horretarako, publikoko jendea aulkitik altxaraziko du, galderak eginez eta edozeini iritzia plazaratzeko eskatuz. Gai horiek egokiak izango dira txantxarako, umoreari eta musikari lekua utziz. Partaideek, guztiok biltzen gaituzten desioei eta beldurrei buruzko gai aztoragarriak eta interesgarriak jaurtiko dituzte, euren esperientziak hurbilduz eta zalantzak eta erantzunak eskainiz, leziorik eman barik, komunikazioaren eta entretenimendu sanoaren aldeko apustua eginez.

Ikuskizunaz gozatzeko aukera izango du gaur arratsaldeko 20.00tan eta bihar 19.00tan antzokira hurbiltzen den herritar orok. Sarrerak, 8,50 eta 24 euroren artean daude salgai webgunean, txarteldegian edota telefonora deituta.

Contenido Patrocinado

Fotos

Vídeos