http://static.elcorreo.com/www/menu/img/zurekin-desktop.jpg

'Munstro bat nire ispiluan' eta 'El secreto de la isla' kontakizunak bukatzeko prest?

Leire Bilbao eta Toti Martinez de Lezea, BizkaIdatz Txikia lehiaketaren aurkezpenean./Bizkaiko Aldundia
Leire Bilbao eta Toti Martinez de Lezea, BizkaIdatz Txikia lehiaketaren aurkezpenean. / Bizkaiko Aldundia

Leire Bilbaoren eta Toti Martinez de Lezearen lanak bukatu beharko dituzte BizkaIdatz Txikia lehiaketan parte hartuko duten gazteek

Jan Echevarría
JAN ECHEVARRÍA

'Munstro bat nire ispiluan' eta 'El secreto de la isla' kontakizunak bukatzeko aukera paregabea izango dute BizkaIdatz Txikia lehiaketaren aurtengo edizioan parte hartuko duten haur eta gazteek. Ekimenaren laugarren edizioa jarri zuen martxan atzo Bizkaiko Foru Aldundiko Euskara eta Kultura Sailak eta, bertan jakinarazi zutenez, parte hartzaileek Leire Bilbao eta Toti Martinez de Lezea idazleek hasitako obrak amaitu ahal izango dituzte euren literatur sormena sustatu eta bultzatuz.

Toti Martinez de Lezea eta Lorea Bilbao, Bizkaiko Aldundiko Euskara eta Kultura diputatua, izan ziren lehiaketa aurkezteko arduradunak eta nabarmendu zutenaren arabera, helburua literatur sormena sustatzea da Bizkaiko gazteen artean. Urtetik urtera parte hartzaile gehiago dagoela nabarmendu zuen Bilbaok, aurten ere horrela izatea espero duela ideiarekin batera. Hain zuzen, «gazte gaztetatik bultzatu behar da irakurtzeko eta idazteko pasioa edo zaletasuna». Testuek Elena Ciordiaren eta Estibalitz Jalonen ilustrazioak dituzte, hurrenez hurren.

BizkaIdatz Txikia lehiaketa euskal idazle batek proposatutako kontakizuna euskaraz edo gaztelaniaz bukatzean datza. Parte hartzaileak istoriora, pertsonaietara eta hasieran proposatutako kontatzeko modura egokitu beharko dira, eta euskaraz eta gaztelaniaz egin ahal izango dute. Epaimahaiak hala ebazten badu, bi modalitateetan irabazteko aukera egongo da ere bai.

Aurkezteko epea otsairen 16an amaituko da

Kontakizunak aurkezteko azken eguna 2018ko otsailaren 16a izango da, 13:30ean. Testuak gutxienez lau eta gehienez bost orrikoak izango dira eta eskuz (letra garbiarekin) edo ordenagailuz idatziko ahal izango dira Times edo Arial letra motak erabiliz, DINA4 orrialdeetan, 12 gorputzarekin eta tarte bikoitzean.

Lanak bulegoan bertan edo posta zerbitzua erabiliz aurkeztuko dira herritarren erregistro eta arretarako zentroan (Diputazio kalea 7, 48008, Bilbo). Bizkaiko Foru Aldundiaren Egoitza Elektronikoaren bitartez ere aurkeztu ahal izango dira.

BizkaIdatz Txikia duela lau urte sortu zen gazteenen artean idazteko eta irakurtzeko zaletasuna bultzatzeko. Parte hartzaile kopurua gehitzen joan da urtero: lehenengo edizioan 186 kontakizun aurkeztu ziren, horietako 72 euskaraz; bigarrenean 194 (90 euskaraz), eta hirugarrenean 262 kontakizun (132 euskaraz).

AMB

Temas

Euskera

Contenido Patrocinado

Fotos

Vídeos