http://static.elcorreo.com/www/menu/img/zurekin-desktop.jpg

Zurekin

Mendiko jardueren agertoki bihurtu da Bilboko Metroak

Abenduan Abando eta Zazpi Kaleak geltokietan egongo dira ikusgai aurtengo 20 lan sarituak./
Abenduan Abando eta Zazpi Kaleak geltokietan egongo dira ikusgai aurtengo 20 lan sarituak.

CVCEPHOTO nazioarteko lehiaketako argazki sarituen erakusketa izango da abenduan

ELCORREO.COM

Bilbao Mendi Film Festivalaren hamargarren urteurrena beteko da aurten, eta jada Metro Bilbaok ohikoa bihurtu den erakusketa hartuko du bere geltokietan: Cvcephoto mendiko jardueren nazioarteko argazkilaritza lehiaketako 20 lan sarituekin osatutako erakusketa.

Nazioarteko argazkilaririk onenak, profesionalak nahiz zaletu hutsak, bildu ditu, beste behin, argazki lehiaketa honek bere hirugarren edizioan. Zehazki, 800 argazki aurkeztu dituzte 56 herrialdetako 300 egilek.

Abenduan Abando (Berastegi sarbidea) eta Zazpi Kaleak geltokietan egongo dira ikusgai aurtengo 20 lan sarituak. Haien artean daude lehen sariaren irabazlea, David Wrangborg suediarraren Dream Green; bigarren sariduna, Krystle Wright australiarraren The Totem; hirugarrena, Rainer Eder austriarraren Magic Ice; eta baita ere Bilbao Mendi Film Festival saria irabaziz, jaialdiko kartel ofizialeko irudia bihurtu den The Lighthouse, Christoph Jorda argazkilari alemaniarrarena.

Hortaz aparte, oso euskarri berezian erakusten den Steph Daves, The Joker 5.12+ argazkia ere, Krystle Wright-ena dago islatuta Abando geltokiko Berastegi sarbideko eskaileretan. Eskalatzaile estatubatuarra bete-beteko esfortzuan ageri deneko argazkia da hori.

Bisita gidatua

Cvcephoto lehiaketaren helburua argazkilaritzaren bidez mendiko jarduerak sustatzea da, eta, bide batez, parte hartzen duten argazkilarien topagune eta dibulgaziorako plataforma izatea ere bai. Aurkeztutako obren sormena eta kalitate estetikoaz gain, haietan islatutako jardueraren balioa ere baloratzen eta saritzen du lehiaketak.

Horrekin nahikoa izango ez balitz, Bilbao Mendi Film Festivaleko egitarauan mendiko jardueren argazkilaritzari buruzko Workshop bat eskainiko da abenduaren 10ean, igandean, 11:00etan hasita, Zabalgune Eraikineko Mendi Base Campean egongo den Aterpe Aretoan.

20 lagunentzako saioa izango da, eta izen emateak Cvceren bidez egin daitezke: cvc@vascodecamping.org (943 27 18 66, Prim kalea 35, 20006 Donostia).

Ekimen horretan bertan Metroko erakusketaren bisita gidatua egingo da, argazki bakoitzaren nondik norakoen berri jakiteko. Gainera, Christoph Jorda, Rainer Eder eta Jose Allende argazkilari sarituak ere bertan izango dira azalpenak emateko.

Temas

Euskera

Contenido Patrocinado

Fotos

Vídeos