http://static.elcorreo.com/www/multimedia/201707/04/media/zabalik-logo-ec.jpg

Laudioko azpiegiturak hobetzeko lanak udan

Ellakurin turismo eta autokarabana aparkaleku berria eraikiko da

Udan Laudioko azpiegitura batzuk hobetzeko helburuarekin lanak egingo dira. Kirol-instalazioei dagokienez, Ellakurin turismo eta autokarabana aparkaleku berria eraikiko da eta uda igerilekuetako itxiera perimetrala ere ordezkatuko da. Gardean bi padel pista egingo dira eta hockey zelaia garbituko da. La Granja kiroldegian hockey eta eskubaloiko zorua aldatuko da, kanpoko arotzeria berrituko da eta gimnasioaren lekua aldaketuko da. Azkenik belar artifiziala Ellakuriko futbol zelaian jarriko da.

Udal hornikuntza batzuk ere berrituko dira instalazioak hobetzeko. San Roque jubilatuen klubean saneamendua hobetuko da eta adingabeen eguneko zentroan isolamendu akustikoa eta berokuntza instalazio berria jarriko dira. Helburu sozialetara zuzendutako udal jabetzako etxebizitza batean hobekuntzak egingo dira, baita udal euskaltegian ere.

Laudioko ikastetxeei dagokienez, Fabián Legorburun (Areta) Haur Hezkuntzako eraikinean kanpoko arotzeria eta patioetako zoladuraren hainbat zati berrituko dira. Gainera, zentro honetako Haur Hezkuntza patioan dauden zutabeetako fibrozimendua kentzeari ekingo zaio.

Lamuzan suteen kontrako sistema eta portxeko zoladura berrituko dira. Latiorroko zentroan amiantoa duten pasaguneak kentzen ari dira eta ikasgelak margotuko dira.

La Milagrosan patioko atzealdea hesituko da eta udazkenean hasiko da asfaltatzen.

Helduentzako Heziketa ikastetxean dagoen etxetxoan lanak egingo dira.

Lanek auzoei eragingo diete ere. Uztailaren 21tik aurrera Arrañoko igogailuko lanak hasiko dira eskuragarritasuna hobetzeko. Latiorron gaineko pasabidea lurrera botatzeari ekingo zaio. Zubiko Kurajo kaleko lanak abuztuan zehar bukatuko dira.

Orain San Roque egoitza zaharraren birgaitze proiektua idazten ari da eta lanak 2018ko udarako bukatuta egon daitezela aurrez ikusten da.

Ugarte auzoan udazkenetik aurrera lanak egingo dira plazan eta Lamuzako bihurgunetik Goienurirainoko errepidea asfaltatuko da, baita alboko kaleak ere.

Fotos

Vídeos