http://static.elcorreo.com/www/menu/img/zurekin-desktop.jpg

Katuen abandonu kopuruak gora egin du Bilbon udan

Aurten izan diren uzteen hiruren bat ekaina, uztaila eta abuztuan izan da

IZASKUN MOYANO

Uda garaian katuen abandonu kopurua igo egin da Bilbon. 2017.urte honetan erregistratu diren uzteen hiruren bat ekaina, uztaila eta abuztuko hilabeteetan burutu dute. Udako bigarren hilabetean Bilboko Katuen Elkartea batutako urte hasieratik batu dituzten 195 katuetatik 50en kargu egin da.

Bestalde, udaldi honetan katuen adopzio kopuruak ere beherakada itzela jasan du, ohikoa den bezala urteko hilabete hauetan. «Jendeak oporretan ez du adoptatzen. Hori dela eta, etxean hartzeko katuen zenbakia jaitsi egin da, uzteen zifra handiarekin kontrastea egiten duelarik. Bilboko kontro gabeko guneetan kume asko aurkitzen ditugu», adierazi du elkarteko presidentea den Garbiñe Marquezek.

Honela, abuztuan «adopzio gutxi batzuk» soilik gestionatu dituzte. Oso gutxi, urteko gainontzeko hilabeteetan egindako 150 adopziorekin alderatuz. «Orain arte adopzio ugari izan ditugu, baina gustatuko litzaigukeena baino askoz gutxiago. Egia esan, ateratzen direnak baino katu gehiago sartzen zaizkigu elkartera», azpimarratu du.

Bilboko Katuen Elkarteak abuztu amaiera bitartean 195 katu batu ditu, iaz baino sei gehiago, eta uztailean kalean aurkitutako 50 katu hatu zituzten. Beraz, aurreko hilabetean 16 adopzio bakarrik burutu ziren «hauetariko asko harrera etxeetan zeuden katuenak», adierazi du Markezek.

«Aurten, iaz baino adopzio gutxiago izan ditugu eta urteak aurrera egin ahala zenbakia gutxitzen doala antzeman dugu. Ez dakigu kume gehiago egotearen ala babes guneetan jende gehiago izatearen ondorio den», onartu du.

Temas

Bilbao

Fotos

Vídeos