http://static.elcorreo.com/www/menu/img/zurekin-desktop.jpg

Itsas hondoa garbituko dute Portu Zaharrean

Hogeita hamar bat lagunek, urpekari zein boluntariok parte hartuko dute garbiketa horretan

ELCORREO.COM

Itsas Zaindarien Sareko hogeita hamar bat urpekari eta boluntarioek itsas hondoa garbituko dute bihar Algortako Portu Zaharrean.

Itsas ekintza hori, besteak beste, Getxoko Udalak eta Marefondum elkarteak antolatuta dago eta estatuan egiten den III. Itsas Hondoen Garbiketa Nagusiaren barruan dago. Estatu osoan egingo da ekintza, itsasertzeko 30 tokitan. Ekimen horri esker, iaz 10 tona hondakin solido baino gehiago bildu ziren estatuko itsasertz osoan.

Helburu nagusia, ikasleak zein, oro har, jendea sentsibilizatzea da gizakien jarduerak kostaldean, ozeanoetan, aintzira eta ibaietan dituen ondorioen inguruan. Eta, era berean, hiritarrak arduratze agure ekintzek ingurumenean eragin txikiagoa izan dezaten. «Itsaso eta ozeanoetara botatzen diren hondakin solidoek milioi bat hegazti baino gehiago eta ehun mila dortoka eta ugaztun hiltzen dituzte urtero planeta osoan», ohartarazten dute Itsas Zaindarien Saretik.

Ekintza honen bitartez nahi da, gainera, jendea hezitu eta arduratzea itsasertzaren aberastasun eta hauskortasunari buruz; hondakinen jatorriari (%80 bat kontinentean sortua) eta haien iraupenari buruz; eta ekologiarekin lotutako hiritarren jokabideari buruz.

Halaber, beste helburuetako bat da ikastea, kualitatiboki zein kuantitatiboki, hondakinek kostaldeetan duten eragina. Eta, azkenik, beste helburuetako bat ere bada jende guztia, hedabideak, tokiko, estatuko eta Europako erakundeak makro-hondakinen problematikari buruz ohartarazi eta mobilizatzea.

Portu Zaharrean itsas hondoa garbitzeko ekintza 10:00etan hasiko da, ekintza horretan parte hartuko duten talde desberdinei harrera egin eta horien koordinazioa antolatuz. Talde horiek Portu Zaharreko hondartzan bertan batuko dituzte urpekariek itsasotik ateratako hondakinak.

11:30ean hasiko da garbiketa bera eta 12:30ean topaketa bat eta kontzientziazio hitzaldi txiki bat egingo dira. Ekintza amaitzeko, mokadutxo xume bat eskainiko zaie parte hartzaile guztiei.

Temas

Euskera

Contenido Patrocinado

Fotos

Vídeos