http://static.elcorreo.com/www/menu/img/zurekin-desktop.jpg

Inbertsio berriak TUVISAn Artium museoko aparkalekuko argiztapena hobetuko du

SERGIO EGUÍA

Inbertsio berriak TUVISAn. Oraingoan, inbertsioan xedeak izango dira Artium museoko aparkalekuko argiztapena hobetzea, 17 hiri-autobusetan bideo-zaintzako kamerak instalatzea eta gidarientzako 14 aulki gehiago erostea. TUVISAko lehendakari Itziar Gonzalok gaur goizean azaldu duenez, Udalaren garraio-enpresaren Administrazio Kontseiluak erabaki du “zenbait inbertsiori ekitea, enpresaren 50. urteurrena betetzen den honetan hobekuntza-politikarekin jarraitzeko. Zenbait ekimen bultzatu ditugu agintaldi honetan. Garrantzitsuena, agian, hogei autobus berri erostea izan da: hamar artikulatu eta hamar hibrido. Baina, horrez gain, lan egiten dugu baita hain inbertsio handiak ez eskatu arren, TUVISAko erabiltzaileengan eragin handia duten hobekuntzak gauzatzeko, esaterako lantegi eta bulegoen eguneratzea, garabi-flota berritzea, aparkamenduak hobetzea, hezetasun-arazoak konpontzea, eta abar”.

Horren inguruan, TUVISAk 20.792,34 euro (BEZa barne) inbertituko ditu Artiumeko aparkalekuko -2 eta -3 solairuetako argiztapena berriztatzeko. 2016ko abenduan 123 argi aldatu ziren azpiegitura horretan, eta oraingoan beste 264 ordezkatuko dira ohiko lanparak baino eraginkorragoak diren LED teknologiako farolekin. LED teknologiako lanparek energia-kontsumoa gutxitzea ahalbidetzen dute, eta kaleak hobeto eta modu uniformeagoan argitzea. Gainera, itsutzea ekiditen dute, eta mantentzeko kostua txikiagoa da. Berdin Álava S.A. enpresari esleitu zaio lanok egiteko kontratua.

Gaur egun, TUVISAk kudeatzen duen Artiumeko aparkalekuko -2 eta -3 solairuetako argiztapenak 246 lanpara fluoreszentek ditu, eta 198.256 kWh-ko kontsumoa eragiten dute urtean. LED argiekin (bakoitza 30 W-koa da) ordezkatu ostean, kontsumoa murriztu egingo da, urteko 64.649 kWh-raino. Beraz, % 67ko energia-aurrezpena eragingo du aldaketak. Eta horren ondorioz, urteko CO2 isurketa atmosferara 51.438 kilotan murriztuko da. Gainera, eta aintzat hartuta kontsumo eta potentzia kontratatuaren alorretako aurrezpenaren inguruan TUVISA egin dituen kalkuluak, inbertsioa hamar hilabetetan amortizatuko da.

Horiez gain, TUVISAko kontseiluak gaur goizean hamazazpi autobusen segurtasuna hobetzea onetsi du, hain zuzen ere 2008an eta 2009an eskuratu zirenena, horretarako bideo-zaintzako ekipoak erosita, 17.961,86 euroren truke.

Halaber, Udalaren garraio-enpresak gidarientzako 14 aulki aldatuko ditu, eta erosoago diren GRAMMER motakoekin ordezkatuko, 14.700 euroko inbertsioa bitarte.

Contenido Patrocinado

Fotos

Vídeos