http://static.elcorreo.com/www/menu/img/zurekin-desktop.jpg

Hizkuntza ugari ezagutzeak, alzheimerra pairatzeko arriskua gutxitzen du

Alzheimerra duten bi gizon. / Igor Aizpuru

Ikerketa baten arabera, bi mintzaira hitz egiteak endekapenezko gaixotasuna zein bere sintomak izateko aukera murrizten du

IZASKUN MOYANO

San Raffaele Unibertsitateko (Milan) ikerlari talde batek adierazi duen arabera, hizkuntza bakarra dakitenek alzheimerra sufritzeko arrisku handiagoa dute. Osasuntsuago bizitzeko ezagutu behar ditugun mintzairok, nazioartekoak bezain herrikoiak izan daitezke. Hots, ingeles zein euskaraz hitz egiteak berdin balio dute biak baita gaixotasunaren sintomak ekiditzeko.

Alzheimerra, sendatzeko erarik ez duen eta terminala den endekapenezko gaixotasuna da. Zientzialariak, bi hizkuntza baino gehiago hitz egiten zituzten pertsonen adierazteko eran jarri zuten arreta azterketa burutzeko orduan. Izan ere, elebidunen burmuinen oinarri neurologikoak alzheimerrak sor ditzakeen minak orekatu zitzaketen.

Zehazki, ikerketa aurrera eramateko ikerlariek FDG-PET izeneko irudi metodoa erabili zuten. Honen bidez, burmuinaren egitura ezberdinen metabolismoa eta haien arteko harreman funtzionala neurtu zuten, guztiak elebidunak ez ziren 85 pertsoko lagin batean.

Azterketaren emaitzen arabera, bi mintzaira zekizkitenen burmuinetan endekapenezko gaixotasuna garatzen utziko ez zuen erreserba handi bat zegoen. Bi hizkuntza erabiltzeak alzheimerraren agerpena gutxienez bost urte atzeratzen zuen, eta tokiak zein aurpegiak ezagutzeko gaitasuna ematen zuen. Izan ere, hauek sintomarik ere ez zuten antzemango. Dena den, ez da nahikoa bi mintzaira edo gehiago jakitea. Hauen erabilerak ere eragin handia du endekapenezko gaixotasunaren agerpenean.

«Galdeketaren emaitzak PETekoekin, eta gaixoen errekonozimenduekin alderatzerakoan, gero eta hizkuntza gehiago mintzatu, handiagoak dira bere efektuak burmuinean; izan ere, errendimendua asko hobetzen da. Gauza ez da mintzairak ezagutzea, baizik eta ahalik eta gehien bizitza osoan zehar hitz egitea», adierazi du ikerketaren buru den Daniela Peranik.

Fotos

Vídeos