http://static.elcorreo.com/www/menu/img/zurekin-desktop.jpg

Hasi dira Laudio plazako lanak, adinekoentzako jolas bio-osasungarriak jartzeko

SERGIO EGUÍA

Laudio plaza eraberritzeko lanak hasi dira. Langileak hesiak jarri eta kioskoko zenbait elementu kendu dituzte. Bertan lorategi itxurako eremua sortuko da, eta orain dagoen kioskoaren ordez adinekoentzako jolas bio-osasungarriak jarriko; izan ere, kioskoa ez zen ziurra eta ez zen erabiltzen, beraz, auzokoek kentzeko eskatzen zuten. Balgorza SA enpresari esleitu zaizkio lan hauek, bi hilabeteko epearekin .

Laudio plazako kioskoa kentzea Zure Auzoa Hobetuz programaren barruan sartutako proiektua zen, zeinean Bizigarri eta Zaramagatarrak auzo elkarteek parte hartu eta iradokizunak aurkeztu baitzituzten. Ingurumenaren eta Espazio Publikoaren Sailak prestatutako eraberritzeak orain dagoen kioskoaren ordez lorategi itxurako eremua sortzea eta adinekoentzako jolas bio-osasungarriak jartzea aurreikusten du. Udalak plazaren erdialdea zolatuko du, aipatutako gailuak jartzeko. Orain dagoen parterrea utzi eta hamabi zuhaitz landatuko dira. Zuhaitzek, batetik, pribatutasuna emango diete jolasen erabiltzaileei, eta bestetik, itzala emango dute eguzkia egiten duenean. Zuhaitzen artean landare herrestariak jarriko dira, ureztapen automatikoz.

Era berean, eserlekuak ipiniko dira, eta argiztapena hobetuko, leku atseginagoa izan dadin. Iturri berria ere jarriko da. Auzokoen eskatutakoari jarraituz, hartuneak dituen armairua ere egokituko da, plazan ekitaldiak antolatu ahal izateko. Zehazki, bost eserleku berri (hiru 9 metroko luzera dutenak, eta bi 5.78 metrokoak) jarriko dira, eta gutxienez hiru farola berri. Azkenik, jolas bio-osasungarri hauek instalatuko dira: arrauna, eskailerak, pedalak, masajea, metroa, eskia eta bielak.

Contenido Patrocinado

Fotos

Vídeos