http://static.elcorreo.com/www/menu/img/zurekin-desktop.jpg

GetxOnegin! pintxo lehiaketan izena emateko epea zabalik da

Establezimendu bakoitzak pintxo bakarra aurkeztu ahal izango du lehiaketara

ELCORREO.COM

Getxoko ostalaritza establezimenduek GetxOnegin! pintxo lehiaketaren zortzigarren edizioan parte hartzeko izena eman dezakete jada. Izen-ematea urriaren 6an bukatuko da. Getxoko Udalak herriaren irudi gastronomikoa indartu eta euskararen erabilera sustatu nahi du lehiaketarekin.

«Aurreko edizioan 56 ostalaritza establezimenduk hartu zuten parte, eta haietatik hirutik bik errotulu nagusia euskaraz edo elebidunez dute, eta ia erdietan langileak euskaldunak dira. Urtez urte publikoaren partaidetza ere handitzen ari da, eta horregatik esan dezakegu, apurka-apurka, aipatutako bi helburuak lortzeko urratsak ematen ari garela», Koldo Iturbe Euskara zinegotziak nabarmendu duenez. «Gainera lehiaketa ez da jarduera soila, urte osoan zehar establezimenduei laguntza ematen baitie udalak, jarduera sustatzeko, errotuluak, menuak eta abar itzultzeko eta abar. Horrek eskaintza gastronomikoan kalitatezko gehigarria izatea suposatzen du», gaineratu du.

Lehiaketa azaroaren 18, 19, 25 eta 26an egingo da -larunbatetan eta igandeetan-, goizetan eta eguerdietan, eta epaimahaiak aintzat hartuko ditu establezimendu bakoitzak aurkeztuko duen pintxoaren zaporea, originaltasuna eta euskararen erabilera. Sari bakarra egongo da, pintxo hoberenarentzat; hiru aipamen berezi ere banatuko dira: euskararen erabilera, barrarik onena eta pintxo tradizionala onena. Establezimendu bakoitzak pintxo bakarra aurkeztu ahal izango du lehiaketara. Izenak euskaraz egon beharko du eta euro bateko salneurri bakarra izango du.

Getxoko edozein ostalaritza establezimenduk eman dezake izena. Izen-ematea dohainik da, eta 94 470 07 43 edo 638 18 84 86 telefono zenbakietan, www.getxo.eus/euskara webgunean dagoen formularioa betez edo posta elektronikoz (getxonegin@gmail.com) egin ahalko da.

Contenido Patrocinado

Fotos

Vídeos