http://static.elcorreo.com/www/menu/img/zurekin-desktop.jpg

Getxoko ‘Ramiro Pinilla’ eleberri laburren lehiaketan parte hartzeko epea zabalik da

Datorren apirilaren 23a bitartean idaztea maite duen herritar orok bere lana aurkezteko aukera izango du

IZASKUN MOYANO

Idazle amateurren talentua lau haizetara banatua izan dadin Getxoko Kultur Etxeak 'Ramiro Pinilla' izeneko eleberri laburren lehiaketa antolatu du. Idazle getxotar famatuaren izena daraman txapelketan edozeinek parte hartzeko aukera dauka, datorren apirilaren 23a baino lana aurkezten duen artean. Mundu mailan edonon jaiotako, baina egoitza Espainiako probintziaren batean duen herritar orok idazteko dohainak erakusteko abagunea izango du.

Eleberri labur guztiak euskaraz zein gaztelaniaz aurkeztu daitezke, eta originalak eta aurretiaz inoiz argitaratu gabeak izan behar dira. Dena den, hauetakoren batek beste txapelketa batean saria eskuratuko balu, idazleak antolatzaileak jakinarazi beharko lituzke, Getxoko lehiaketatik kanpo geratuko bailitzateke. Horrez gain, autoreak berak ere, bermatu egin beharko du aurkeztutako lanaren egilea dela eta hura argitaratzeko eskubideek ez dutela konpromisorik hirugarrenekin.

Irabazleak, 6.000 euroko sariaz gain, eleberria maketatzeko aukera, edizioko gastuak kubritzea, oroigarri bat eta Alkatetzak emandako egiaztagiria ere jasoko lituzke. Gogoratu beharra dago, hizkuntza bien artean garaile bakarra aterako dela. Obra guztiak aurkezteko epea datorren apirilaren 23an bukatuko da, Liburuaren Egunean, hain zuzen ere. Hala eta guztiz ere, lan irabazlea irailaren 13an iragarriko dute; Ramiro Pinilla idazlearen jaiotegunean.

Ramiro Pinillaren (1923-2014) lan ezagunenen artean honako hauek aipatu daitezke: 'Las ciegas hormigas' (1960), 'Antonio B… el Rojo, ciudadano de tercera' (1977), 'Andanzas de Txiki Baskardo' (1979), 'Verdes valles, colinas rojas' trilogía (2004-2005), 'La higuera' (2006) eta 'Aquella edad inolvidable'. Bere literatura jardueran, izen handiko hainbat sari irabazi zituen, esaterako Nadal saria (1960), Euskadi Literatura Saria gaztelaniaz (2005 eta 2013) eta Narratiba Sari Nazionala (2006).

Temas

Getxo

Contenido Patrocinado

Fotos

Vídeos