http://static.elcorreo.com/www/menu/img/zurekin-desktop.jpg

Getxoko 2018ko aurrekontu parte-hartzaileen prozesua abian da jada

Getxoko Udaletxea./Luis Ángel Gómez
Getxoko Udaletxea. / Luis Ángel Gómez

Aurtengo honetan hitzaldi informativo gehiago egongo dira

IZASKUN MOYANO

Getxoko Udalak abian jarri du 2018ko udal aurrekontuak egiteko kontsulta prozesua. Gaur hasita urriaren 1era bitartean auzokideek udal-eskumenekoak diren proposamenak aurkeztu ahal izango dituzte ondorengo arloekin lotutakoak: Kultura, Euskara, Berdintasuna, Gazteria, Ingurumena, Babes Zibila, Segurtasuna, Gizarte Zerbitzuak eta Hirigintza, Obrak eta Zerbitzuak.

Proposamenak teknika edota ekonomiaren aldetik bideragarriak izan behar dira, bertako herritar guztien interesa eta onura lehenesten dituztenak eta ez dute legez kontrako, difamaziozko edota diskrimininaziozko edukirik izan behar. Horretarako Udalak milioi bat euroko diru-saila esleitu du.

Getxoko alkateak, Imanol Landak, adierazi duenez «jarduera hori Gobernu Irekiaren Ekintza Planaren barruan dago, udal aurrekontuetan gastu publikoaren konpromisoak identifikatzeko herritarren parte-hartzeko prozesuak egitea aurreikusten duen planean, hain zuzen. Auzokideen esku ipiniko da ekarpenak egiteko aukera, urtarrilaren 10etik aurrera udal aurrekontuak egiten diren bitartean. Horrela, Udalak ideia, proiektu, proposamen... horiek guztiak 2018ko aurrekontuetan txertatzeko aukera izango du. Horretarako, oraingo honetan prozesu honi buruz hitzaldi informatibo gehiago antolatu ditugu, baita hitzaldi horiek egiteko leku gehiago ere».

Jose Luis Landa bozeramale sozialistak aipatu duenez, orain dela bi urte EAJ-PNV eta PSE-EE-PSOEren artean sinatutako akordioan «gardentasunaren eta herritarren parte-hartzearen aldeko apustu garbia egin genuen. Orain arte zenbait prozesu parte-hartzaile egin ditugu: Emakumeen Etxea, BentaraNoa, Fadurako parke publikoa … Iaz, lehenengo aldiz, herritarren proposamenak aurreikusten zituzten aurrekontuak onartu ziren eta aurten metodologia hobetzen saiatuko gara Tokiko Gobernuaren izaera zabalean sakondu ahal izateko».

Temas

Getxo

Fotos

Vídeos