http://static.elcorreo.com/www/menu/img/zurekin-desktop.jpg

Gerrartean konposatutako musika, Euskalduna Jauregian

Musika-Músicako XVII. edizioa atzo hasi zen Bilbon

ELCORREO.COM

Euskalduna Jauregiak atzotik eskaintzen du Musika-Músicako XVII. edizioaz gozatzeko aukera. Nazioarteko ekimen hau igandera arte egongo da Bizkaiko hiriburuan eta, antolatzailaeek jakanarazi dutenaren arabera, edizio interesgarri honetako «protagonista nagusia Europan Gerrartean (1914-1945) konposatutako musika izango da». Bertan, 1.500dik gora musikarik parte hartuko dute, profesional eta amateurrek, eta 70 kontzertutik gora eskainiko dira, non interesdunek garai hartako konposizioez gozatuko duten ordu beteko ikuskizunei esker.

Aurtengo Musika-Música jaialdian Europako garai nahasi batean konposatutako musika izango da nagusi, garai bat zeinetan soinu parametroak ezarritako sistematik emantzipatu ziren eta, askatasun irrikaz, edertasuna bilatu baitzuten konbentzioetatik urrun. Ideia berriek musikaren hizkuntza aberastu zuten eta eragin handia izan zuten garaiko kontzientzia artistikoan, helburu estetiko eta soinu-dialekto mordo bat sorraraziz.

Musika-Música jaialdiaren helburua da musika klasikoa «hedatu eta sustatzea», horretarako kontzertu-sorta zabal bat eta jarduera paralelo ugari programatuz, bertako zein nazioarteko artista ezagunen parte-hartzearekin. Musika klasikoaren maratoi bat, Bilbao 700 Fundazioak antolatuta eta Bilboko Udaleko babesa duena, non sarrerak prezio onean saltzen diren, 4 eta 12 euro artean.

Bilboko Udaletik gogorarazi dutenez, «Musika-Música nazioartean erreferentziazkoa bihurtuta dagoen kultur hitzordu bat da, espiritu pedagogiko-dibulgatiboz jantzia».

Contenido Patrocinado

Fotos

Vídeos