http://static.elcorreo.com/www/menu/img/zurekin-desktop.jpg

Gasteizko Musika Eskolak hitzarmen bat sinatu du 'Jazz uhinak hirian barrena' programaren antolatzaileekin

Gasteizko Musika Eskolak hitzarmen bat sinatu du 'Jazz uhinak hirian barrena' programaren antolatzaileekin

Jazzargiak eskolaren instalazioak erabili ahalko ditu, eta urtean behin ekitaldi bat egingo du bertan

SERGIO EGUÍA

Luis Aranburu Musika Eskolak eta Jazzargia elkarteak —aurten XII. ediziora iritsi den “Jazz uhinak hirian barrena” programaren antolatzailea— lankidetza-hitzarmena sinatu dute.

Eskolako lehendakari Estíbaliz Canto zinegotziak eta Jazzargiako lehendakari Pedro Telleriak sinatu dute hitzarmena.

Bi erakundeek koordinazio eta lankidetza-harremanak ezarri nahi dituzte musikari eta bereziki jazzari eta musika hezkuntzari dagokienez, sentsibilizazio, hezkuntza, ezaguera, prestakuntza, zabalkuntza eta herritarren parte hartzearen alorretan.

Telleriak zuzentzen duen elkartearen “lan bikaina” nabarmendu du Cantok. “Jazz uhinak programak ekarpen handia egiten du heziketaren eta didaktikaren alorretan, eta Jazzargiak, jazzari eta hori lantzen duten musikariei buruzko jakinduria handia; gainera, zikloaren xede-publikoa zabala da, jazza, haren historia eta eboluzioa ezagutu nahi dutenengandik hasita besterik gabe musikaz eta/edo jazzaz zuzenean gozatu nahi dutenenganaino, beraz, eskolaren bitartez lankidetza areagotzea ia gure betebeharra da, zerbitzu publikoa garen aldetik”.

Izan ere, Jazzargia Hezkuntza Zerbitzuaren Musika Adierazpenaren Programaren barruan txertatzen da, zeinak Gasteiz hiri hezitzaile —hots, hezkuntza baliabide— bihurtzeko duen filosofiaren isla baita. Dagoeneko erreferentea bihurtu da Euskadin eta Espainian, eta horren erakusgarri da bihar Donostian jasoko duen Musika Bulegoa saria.

Hitzarmenaren bidez, jazza gasteiztar guztiei helarazi eta hurbildu nahi zaie, musika estilo horren lengoaiaren alderdiak modu didaktikoan ezagutarazi, eta Gasteizko jazz musikariei beren lana erakusteko lekua eman.

Gainera, Jazzargiak eskolako instalazioak eskola ordutegitik kanpo ere erabili ahalko ditu, eta eskolak ikasle guztiei emango die programaren berri. Jazzargiak, bestetik, ekitaldi bat egingo du urtero ikastegian, eta eskolak hartuko du bere gain kostua.

Eskolak musikarekin lotutako ongintzazko ekintzak sustatzea helburu duten elkarteekiko lankidetzan jarraitzen du, ahaleginak batuz gizarteari musikaren gaitasun didaktikoa eskaintzeko.

Zehazki, iaz hitzarmena sinatu zuen Mugarik gabeko Musikariak elkartearekin, duela bi aste, Gauekoak programarekin, eta aurreko astean, AEFAT elkartearekin, zeinak Aitzina Folk jaialdia antolatzen baitu.

Contenido Patrocinado

Fotos

Vídeos