http://static.elcorreo.com/www/menu/img/zurekin-desktop.jpg

Gasteiz Michelin Hirien Nazioarteko Sarearen bi urtean behingo topaketaren egoitza izateko lehiatuko da

Gorka Urtaran alkateak positibotzat jo du hiria berrikuntzaren eta iraunkortasun politiken arloan erreferentea izatea

SERGIO EGUÍA

Gasteiz bi urte barru Michelin Hirien Nazioarteko Sarearen II. Konferentziaren egoitza izateko finalista izendatu dute. Aste honetan Clermont Ferrand frantziar hirian egin den Michelin Hirien Nazioarteko Sarearen I. Konferentzian iragarri da hori.

Topaketan parte hartzen dute mundu zabalean enpresa horren lantegiak edo ikerguneak dituzten udalerrietako ordezkariek, tartean Gasteizko alkate Gorka Urtaranek.

Sareak lankidetza-proiektuak sustatu nahi ditu hiri horien artean, abiapuntu hartuta arlo publiko eta pribatuaren arteko lankidetza. Aurten Michelin enpresako fabrikak edo zentro teknologikoak dituzten berrogeita hamar hiri inguruk hartu dute parte, udalerri antolatzailearekin senidetuta daudenekin batera.

Alkateak positibotzat jo du Gasteiz nazioarteko topaketa horren egoitza izateko hautagaien artean aukeratu izana, Sao Pauloko Michelin lantegiak aurkeztutako beste proiektu batekin batera. “Aukeratu izanak berretsi egiten du Udalaren ahalegina iraunkortasun-politiken berrikuntzan erreferente izateko, klima aldaketaren kontra borrokatzeko, berotegi-efektua duten gasen emisioak murrizteko, eta mugikortasun iraunkorraren eta espazio urbanoaren alorreko politiketan aurrera egiteko”, nabarmendu du.

Contenido Patrocinado

Fotos

Vídeos