http://static.elcorreo.com/www/menu/img/zurekin-desktop.jpg

Galdakaok Eternal Runningen parte hartzeko lehentasunezko izenematea ireki du

Galdakaok Eternal Runningen parte hartzeko lehentasunezko izenematea ireki du

Proba berezi honetan parte hartu nahi duten herritarrek gaurtik aurrera apuntatu daitezke

IZASKUN MOYANO

XII. Eternal Running zirkuituak 4000 kidetik gora batuko ditu berriro ere Galdakaon. Kirola eta ikuskizuna uztartzen duen ekitaldian herritar orok parte har lezake. Lasterketa urriaren 8an ospatuko da eta online apuntatzeko abagunea dago jada. 2016ean izandako arrakasta handiaren ondoren, hirugarrenekoz proba herri bizkaitarrean egingo da.

Aurten antolakuntza eta udala lankidetzan arituko dira eta lehentasunezko izenematea ireki du Galdakaoko herritarrentzat. Honela, gaurtik urriaren 5a bitartean lasterketan parte hartu nahi dutenek Urretako kiroldegian apuntatu ahal izango dira goizeko 9.00tik arratsaldeko 17:00ra, 20 euroren truke. Hots, online egindako izenematea baino 10 euro merkeago.

Honetarako, erroldatze ziurtagiria eraman beharko dute. Hau, nahi duenak Herriko Harrera Zerbitzuan izango du eskuragarri. Bestela, herriko kiroldegian abonatu txartela erakustearekin ere nahikoa dute.

‘Eternal Running Invencible’ izeneko lasterketa oztopoez betetako ikuskizun dibertigarri eta ausarta da. Edozein atletak parte har lezake, ikusleek hauen espiritu borrokalaria ikus dezaten. Thunar Esportsek sortu zuen duela 16 urte. Mundu maila ospatzen den ekitaldia da eta Galdakao izango da Bizkaian ospatuko den udalerri bakarra.

2002an 1000 korrikalari baino gehiagok hartu zuten parte. Izan ere, arrakasta handia izan du betidanik. “Garaiezin” hitza ikusiko da proban zehar uneoro, lasterketaren marka gisa. Ohiko oztopoak lastozko kamioiak, tobogan garaiezina, armiarma sarea irristaketa, apar gunea eta puzgarri zoroak dira.

Fotos

Vídeos