http://static.elcorreo.com/www/menu/img/zurekin-desktop.jpg

Ezkerraldea, Enkarterri eta Gurutzetako osasun zentroek 11 ibilgailu jasangarri eskuratu dituzte

Hauei esker karbono dioxido isuriak %77an murriztu ahal izango dituzte

IZASKUN MOYANO

Bizkaiko osasun sistema jasangarritasunaren alde agertu izan da beti. Oraingoan, Ezkerraldea, Enkarterri eta Gurutzetako zentroek hamaika ibilgailu berri eskuratu dituzte. Hauek ingurumenarekiko onuragarriak direnez, karbono dioxido isuriak %77an murriztuko dituzte. Guztiak heldu eta umeen etxeko ospitaleratzeetan eta loaren unitatean zerbitzua eskaintzeko erabiliko dira.

Bederatzi elektrikoak dira, eta haien bateria osorik kargatzea 1,2 euroko kostua du, energia horrekin 300 ala 400 bat kilometro ibiltzeko gai izango direlarik. Beste biak, ordea, Bi-fuel modelokoak dira eta A kalifikazio energetikoa eta EURO 6 isurpen estandarra dituzte.

Ibilgailuok aukeratu eta baloratzeko orduan kontuan izan dituzte Eusko Jaurlaritzaren Jasangarritasun Energetikoaren Batzordeak zehaztutako irizpideak. Lehenik eta behin, Autonomia-Erkidegoko sektore publikoak eskuratutako ibilgailuek petroliotik eratorritako erregaien ordezko energia-iturriak erabili beharko dituzte. Eta bestalde, erosketa burutzerakoan kontuan hartu behar da ibilgailuak bizitza erabilgarri osoan zehar zer energia eta ingurumen inpaktu eragiten dituen.

Era berean, erakundeak erositako ibilgailuek diru-laguntza eskatzeko Errege Dekretuak ezarritako xedapenak betetzen dituzte. Horren bidez, ordezko energiak erabiltzen dituzten ibilgailuak erosi eta ibilgailu elektrikoak kargatzeko guneak ezarriko dira 2017an. Kasu honetan, zenbatekoa 51.500 euro artekoa izan liteke.

IBIL erakundearen kargatzeko sare publiko bat dago Bizkaian, Osakidetzako ibilgailuek erabil dezaketena. Karga normaleko 38 gune ditu eta karga azkarreko bi (35 minutu bateriaren % 80 kargatzeko), lekualdaketetan azkar kargatu behar izanez gero.

Ezkerraldea Enkarterri eta Gurutzetako osasun zentroak ingurumenarekiko hartu duten konpromisoaren barruan dago erosketa hau. Izan ere, helburua erakundearen jarduerak sortutako inpaktua ahalik eta gehien murriztea da, besteak beste.

Temas

Euskera

Contenido Patrocinado

Fotos

Vídeos