http://static.elcorreo.com/www/menu/img/zurekin-desktop.jpg

La evolución histórica de la orquesta sinfónica zikloa, Areetan, martxoaren 2tik 23ra bitartean

José María Bretos izango da zikloaren hizlaria./
José María Bretos izango da zikloaren hizlaria.

Hitzaldiak ostiraletan izango dira, 18:30ean, eta sarreraren prezioa 3€koa izango da

ELCORREO.COM

Martxoaren 2tik 23ra bitartean, Areetako Andrés Isasi Musika Eskolak La evolución histórica de la orquesta sinfónica zikloa hartuko du. Hizlaria Jose Mª Bretos Linaza getxotarra izango da, Akustika eta organologia eta Akustika musikala gaien irakaslea MUSIKENE-Euskal Herriko Goi-mailako Musika Ikastegian. Hitzaldiak ostiraletan izango dira, 18:30ean, eta sarreraren prezioa 3€koa izango da.

Hitzaldi-ziklo hori adin guztietako publikoari zuzenduta dago eta helburua du «modu dibulgatiboan azaltzea nola garatu den orkestra sinfonikoa antzinako aurrekarietatik XIX. mendean gehitu ziren azkeneko berrikuntzak arte», Bretos irakasleak adierazi duenez.

Martxoaren 2an, lehenengo hitzaldiaren gaia izango da Antecedentes desde la Antigüedad hasta el Renacimiento. Martxoaren 9an hizlariak honakoa aztertuko du: Conformación de la orquesta sinfónica en el s. XVII; eta hilaren 16an, El modelo clásico de orquesta sinfónica del s. XVIII. Zikloa hilaren 23an bukatuko da honako analisiarekin: Innovaciones a partir del s. XIX.

José María Bretos Linaza (Algorta, 1968) Zientzia Fisikoetan Doktore da Euskal Herriko Unibertsitatean. Esan bezala, Musika Akustika eta Organologia irakasle da Musikenen, eta lehenago Nafarroako Unibertsitate Publikoko Fisika Departamentuko kide izan da.

Ikerketa jarduera Musika Akustikaren esparruan hasi zuen xilofonoren eta biolinaren kutxa harmonikoaren osagaien bibrazioak kalkulu numerikoaren bitartez ikertuz. Musika Akustikaren esparruan beste ildo batzuk ere landu izan ditu, hala nola bibratoaren azterketa sopranoetan, Estokolmoko Royal institute of Technology erakundearekin batera, edo instrumentuaren hastapenetan biolinean ikasleen afinazioa, Kanaria Handiko Las Palmaseko Unibertsitatearekin elkarlanean. Bere ikerlanen emaitza hainbat aldizkari espezializatuetan ikus daiteke (2003-08).

Temas

Euskera

Contenido Patrocinado

Fotos

Vídeos