http://static.elcorreo.com/www/menu/img/zurekin-desktop.jpg

Euskaraldia, euskara aktibatzeko

Kanpainia atzo aurkeztu zen./E. C.
Kanpainia atzo aurkeztu zen. / E. C.

Eusko Jaurlaritzak bultzatutako kanpainiak hizkutzaren erabilera sustatzea du helburu

S. C.

Heltzear dagoen Euskararen Nazioarteko Egunean gehien entzuten den esaldietako bat -ia lelo moduan- euskaren eguna eguneroko kontua izan beharko lukela da. Hau dela eta, Jaurlaritzak kanpaina berezi bat jarri du martxan. Euskaraz hitz egin eta ulertzen duten herritarren arteko harremanetan hizkuntza ohiturak aldatzea du helburu, baita era guztietako entitateak euskarazko hizkuntza praktikak babesteko neurriak hartzera bultzatzea ere. '11 egun euskaraz' jarduera atzo bertan hasi zen. Begirada datorren urteko abenduaren 3an jarri dute, Euskararen Nazioarteko Eguna merezi den moduan ospatzearren.

Kanpainiaren aurkezpena Arriaga antzokian egin zen atzo, eta Bingen Zupiria Eusko Jaurlaritzako Kultura eta Hizkuntza Politikako sailburuak, Ana Ollo Nafarroako Gobernuko Herritarrekiko eta Erakundeekiko Harremanetako kontseilariak, Beñat Arrabit Euskararen Erakunde Publikoko presidente eta Herri Elkargoko Hizkuntza Politikako presidenteordeak, Elena Laka Euskaltzaleen Topaguneko lehendakariak, Paul Bilbao Kontseiluko idazkari nagusiak, Naiara Mujika Lasarteko Ttakun euskaltzale elkarteko kideak eta Arrate Illaro Euskaraldiaren koordinatzaile eta Euskaltzaleen Topaguneko kideak parte hartu zuten.

Euskal Herriko hainbat euskaltzale elkartek urteetan zehar landu duten 'Euskarak 365 egun' lan ildoaren baitan kokatzen da Euskaraldia eta bi mugarri ditu. Alde batetik, euskal hiztunen hizkuntza ohituretan eragin nahi du, eta, horrela, beren harreman sareetan euskara gehiago erabiltzea izango da ekimenaren helburua. Beste alde batetik, hizkuntzaren normalizazioaren ardura pertsonen eta entitateen artean partekatua denez, 2019an, mota guztietako entitateek euskararen erabilera babesteko eta bultzatzeko neurriak hartzea ere izango da ekimenaren helburua.

Contenido Patrocinado

Fotos

Vídeos