http://static.elcorreo.com/www/menu/img/zurekin-desktop.jpg

Euskara eta zinemari, eta Euskadi Literatura Sariei buruzko mahai inguruak, gaur, Durangon

Lehenengoan, euskara batuaren eta euskalkien erabilera aztertuko da gaur egungo zinemagintzan eta bigarrenean, aurtengo Euskadi Literatura Sarietako irabazleen sorkuntza prozesuaz hitz egingo dute

ELCORREO.COM

Bi mahai inguru antolatuko ditu gaur Eusko Jaurlaritzako Kultura eta Hizkuntza Politika Sailak 52. Durangoko Azokan. Lehenengoan, euskara batuaren eta euskalkien erabilera aztertuko da gaur egungo zinemagintzan, 'Handia' eta 'Errementari' filmen kasua oinarri hartuta, eta bigarrenean, aurtengo Euskadi Literatura Sarietako irabazleen sorkuntza prozesuaz hitz egingo dute, eta han izango dira aurtengo bost irabazle.

'Zinemagintza eta euskalkiak' izango da lehen mahai inguruaren izenburua, eta 14:30ean hasiko da, Irudienean Jaurlaritzak jazkinarazi duenez. Paul Urkijo ('Errementari'), Jon Garaño ('Handia', 'Loreak', '80 Egunean'), Olatz Beobide ('Eskamak kentzen', 'Goenkale') eta Patxo Telleria ('Ez dok hiru','Igelak', 'Hodeiak pintatzeko makina', '27 ordu') izango dira hizlariak. Moderatzailea Onintza Irureta kazetaria izango da.

Bigarren mahai ingurua, berriz, areto nagusian izango da, arratsaldeko 17:00etan. 'Sormen prozesua literaturan' izenburupean, aurtengo Euskadi Literatura Sarietako zazpi irabazleetako bost izango dira hizlariak: Asier Serrano (Literatura euskaraz), Arantxa Urretabizkaia (Saiakera euskaraz), Ander Izagirre (Saiakera gaztelaniaz), Leire Bilbao (Haur eta Gazte Literatura) eta Mikel Valverde (Literatura Lanaren Ilustrazioa). Moderatzailea Goizalde Landabaso kazetaria izango da.

Gauzak horrela, jardunaldi hauetaz gozatu nahi baduzu, hurbildu zaitez gaur Durangoko Azokara eta aditu hauen mahi inguruez gozatu ezazu.

Temas

Euskera

Contenido Patrocinado

Fotos

Vídeos