http://static.elcorreo.com/www/multimedia/201707/04/media/zabalik-logo-ec.jpg

Ertzaintzak etxebizitzetako lapurretetan espezializatutako Ekialdeko banda bat desegin du

I.AGOTE

Gasteizko Ertzain-Etxeak etxebizitzetan lapurtzen zuen Europa Ekialdeko banda bat desegin du. Banda horri hogei bat lapurreta egozten zaizkio Arabako hiriburuko erdialdeko etxebizitzetan.

Etxebizitzetara sartzeko gakordeak edo plastikozko txartelak "irristatzearen" metodoa erabilita_ erabiltzen zituzten. Aurrez, "markagailuak" jartzen zituzten ateetako markoetan, egun horietan etxean inor ez zegoela egiaztatzeko. Atxilotuak epailearen aurrera pasa dituzte, eta horrek espetxeratzea agindu du.

Ertzaintzak, uda partean, areagotu egin du etxebizitzetako lapurretetan espezializatutako banden helburu izan daitezkeen zonetako zaintza. Hartara, joan den larunbat goizaldean, Gasteizen instalatutako prebentzio-dispositibo bateko agenteek bi susmagarri hauteman zituen Gorbea kalean, atari batzuen ondoan.

Egiaztatu zutenean bizilagun batek atezain automatiko bidez atea zabaltzen ziela, ertzainek higiezinaren azken solairuraino jarraitu zituzten. Polizia zegoela ikusirik, horietako batek tabako-paketea loreontzi batera bota zuen. Ertzainek, geroago, egiaztatu ahal izan zuten etxebizitzetako lapurrek erabili ohi dituzten zurezko markagailu txiki horietakoak zirela.

Hauek ateetako orpoetan jartzen dira, atea irekitzean eror daitezen; horrela, jakiten dute egun horietan etxebizitzan norbait bizi den edo ez. Markagailuak aurreko egunetan zona horretako zenbait etxebizitzatan aurkitutakoen berdin-berdinak ziren _etxebizitza horietako batean lapurtu zuten_.

Ustezko lapurrek, gainera, esku-argiak eta plastikozko txartelak zituzten. Txartel horietako batek deformazio kurbatua zuen, eta adieraziko luke jada erabili izan dela ateak "irristatzearen" metodoa erabilita irekitzeko. Horrez gain, euroko eta dolar amerikarreko billete-sortak zituzten, konfiskatu zizkietenak.

Agenteek bi gizonezkoak atxilotu, eta hurrengo orduetan ostatu hartu zuten hotelera eraman zituzten, haien logela ikuskatzeko. Bertan, orotariko ateak irekitzeko erreminta kopuru handia aurkitu zuten: gakordeak, espeka-sarrailak maneiatzeko prestatutako giltzak, sarrailen zilindroak ateratzeko gailuak, eta abar.

Bi atxilotuek etxebizitzetan lapurtzearen ondoriozko polizia-aurrekariak dituzte eta nortasun-agiri faltsuak zeramatzaten. Ikerketak egin ostean, hirian ostatu hartu zuten egunetan gutxienez zazpi lapurreta egin izana egozten zaie, eta ez da baztertzen uztailean egin ziren antzeko beste lapurreta batzuetan nahastuta egotea. Guztira hogei bat lapurreta egin dituztela uste da.

Bi atxilotuak etxebizitzetako lapurretetan espezializatu den Europa Ekialdeko banda antolatu bateko burutzat jotzen dituzte.Atzo, astelehenean, eraman zituzten bi atxilotuak epailearen aurrean, eta horrek biak espetxeratzea agindu zuen.

Fotos

Vídeos