http://static.elcorreo.com/www/menu/img/zurekin-desktop.jpg

'Emakumeok elkarrekin korrika' ekimena ospatuko da berriz ere Barakaldon

Informazioarekin zerikusirik ez duen lasterketa bat./E.C.
Informazioarekin zerikusirik ez duen lasterketa bat. / E.C.

Aurten 25 toki gehiago eskaintzeaz gain, entrenamenduok ongi burutzea egiaztatzen duen planifikazio talde bat eratu dute

Iaz ekimenak izandako arrakasta aintzat hartuz, 'Emakumeok elkarrekin korrika' izeneko ekintza berriro antolatzea erabaki dute Barakaldon. Honekin batera, nesken artean heziketa fisikoa egiteko ohitura sustatzea dute helburu. Aurrekoan, badirudi jendea kanpoan geratu zela, izan ere, oraingo honetan leku gehiago eskainiko dute. Guztira, 75 emakumez osatutako hiru talde burutzea proposatu dute antolatzaileek. Horrez gain, entrenamenduok era egokian burutzen direla egiaztatzeaz arduratuko den planifikazio taldea sortu dute.

Hiru taldeak egun eta ordu ezberdinetan entrenatuko dira. Bat astelehen eta asteazken guztietan 19:30tik 20:30ra batuko da; beste bat astearte eta ostegunetan ordu berean; azkenik, hirugarren taldeak astelehenetan 18:00tan hasita 19:30ak arte jardungo du. Halaber, jarraipen-saioak antolatu eta maisu-eskolak emango dira. Honela, pertsonalizatutako entrenamenduetan ikasitako kontzeptu teknikoak landu, 'running' eta jarduera fisikoarekin zerikusia duten kontzeptuak ikasi eta nutrizioari buruzko aholkularitza ere eskainiko da.

Korrika egingo duten emakumeentzat ibilbide ezberdinak prestatu dituzte. Beste batzuen artean, Lasesarre kiroldegi inguruan, Murrietako frontoian, Galindo ibaiertzeko bidegorrian, itsasadarraren pasealekuan, Dolores Ibarruri pasealekuan, San Bixenteko dorreen inguruan, Larrea ikastetxean, BECen, eskulturen partean, Eguzkiagirre frontoian edota Mukusulubako ikasetxean.

Kirol errendimendu on bat lortzeko ezagutza eta teknika egokiak  ez ezik kirol psikologia, anatomiako kontzeptuak eta hilero antolatzen diren herri-lasterketen azterketa ere eskainiko ditu, besteak beste, ikastaroak. Horri guztiari esker, aurrera egingo dute partaideek kirol praktika honetan. Era berean, «aukera ederra izango dute hiria beste modu batera ezagutzeko, baita antzeko interesak dauzkan  jendea ezagutzeko ere», azpimarratu dute antolatzaileek.

Temas

Euskera

Contenido Patrocinado

Fotos

Vídeos