http://static.elcorreo.com/www/menu/img/zurekin-desktop.jpg

Egile eskubideen jabetzaz arituko dira bihar 'Eztabaidak literaturarekin' zikloan

Lorenzo Silva eta Carme Riera idazleak elkartuko dira Bidebarrieta liburutegian

ELCORREO.COM

'Eztabaidak literaturarekin' zikloaren beste saio bat antolatuko du bihar Bilboko Udalak eta Lorenzo Silva eta Carme Riera idazleak elkartuko ditu Bidebarrieta liburutegian, egile eskubideen, jabetza intelektualaren defentsaren edo pirateriaren inguruan aritzeko. Topaketa arratsaldeko 19:30ean hasiko da eta Txani Rodriguez kazetari eta idazleak moderatuko du. Sarrera librea da, eserlekuak bete arte.

Topaketak jabetza intelektualarekin lotutako gaurkotasunezko gaiak aztertuko dituela jakinarazi du antolakuntzak. Izan ere, Bidebarrietan izango diren bi egileen ezaugarrietako bat jabetza intelektualaren defentsa izan da. Horrela, Centro Español de Derechos Reprográficos zentroak (CEDRO) Lorenzo Silva saritu zuen 2015ean, egile eskubideen eta jabetza intelektualaren alde egindako lanarengatik.

Lorenzo Silvak (Madril, 1966) Zuzenbidea ikasi zuen Madrilgo Unibertsitate Konplutentsean eta enpresako abokatu gisa aritu zen lanean 1992tik 2002ra. Kontakizun, artikulu eta literatura saiakera asko idatzi ditu, baita nazioarteko aintzatespena eman dioten zenbait eleberri ere. Horrela, besteak beste, 'La flaqueza del bolchevique' (Nadal Sariaren finalista 1997an), 'Noviembre sin violetas', 'La sustancia interior', 'El urinario', 'El ángel oculto', 'El nombre de los nuestros', 'Carta blanca' (Primavera Saria, 2004), 'Niños feroces', 'Música para feos' eta 'Recordarán tu nombre' eleberriak idatzi ditu.

Horrez gain, Bevilacqua eta Chamorro Guardia Zibileko ikerlariak protagonista dituen polizia seriearen egilea da. 'El alquimista impaciente' lana Nadal Sariaren finalista izan zen 2000. urtean, eta 'La marca del meridiano' eleberriak Planeta Saria irabazi zuen 2012an.

Bestalde, Carme Riera (Mallorcako Palma, 1948) Literatura Espainiarreko katedraduna da Bartzelonako Unibertsitate Autonomoan. Unibertsitate bereko Jose Agustin Goytisolo Katedrako zuzendaria da, eta Bartzelonako Letra Onen Errege Akademiako osoko kidea.

1975ean egin zen ezaguna idazle gisa, 'Te deix, amor, la mar com a penyora' (Maitea, itsasoa uzten dizut prenda gisa) behin eta berriro berrargitaratu den ipuin bildumarekin. Ordutik, bere lanak hainbat sari jaso ditu, eta 2015ean Espainiako Letren Sari Nazionala eman zion Hezkuntza, Kultura eta Kirol Ministerioak .

Temas

Euskera

Contenido Patrocinado

Fotos

Vídeos