http://static.elcorreo.com/www/menu/img/zurekin-desktop.jpg

Donostia Kutxa Kultur: Musikari zerrenda aparta

The Hives talde suediarrak Bilbao BBK Live jaialdian jo zuen duela bost urte./Borja Agudo
The Hives talde suediarrak Bilbao BBK Live jaialdian jo zuen duela bost urte. / Borja Agudo

Gipuzkoak jaialdi berezi bat antolatu du astebururako. The Jesus and Mary Chain eta The Hives bertan izango dira

Silvia Cantera
SILVIA CANTERA

Dagoeneko jaialdi ugari antolatu dira. Udako hilabete berotsuenetan kontzertu ugari egon dira, baina eguzkiari agur esateko intentziorik gabe jarraituko duzu ziurrenik. Horregatik benetan garrantzitsua da asteburu honetako hitzordua. Donostia pop rock musikaren hiriburua izango da ostiral eta larunbatean. Kutxa Kultur festibalerako atzerako kontaketa hasi da.

Jaialdia lekualdatu da aurten. Bere seigarren edizioan Igeldo mendia utzi eta hipodromoraiono mugitu da. Eta bidean beste eszenatoki bat irabazi du. Guztira, bost izango dira: Keler, Matusalem, Kutxa Kultur, Hidden eta Paddock. Eta 2.000 pertsona gehiago sartu ahal izango dira.

Igeldoko jolas-parkeari agur esatea ez da erraza izango. Antolatzaileek badakite. Beraz, hipodromoan ere atrakzio batzuk jartzea erabaki dute, baita tonbolak ere. Gosea asetzeko 'food truck' batzuk jarriko dituzte eta Hiria Market izeneko azoka txiki bat egongo da merchandising-a erosteko, esate baterako. Gainera, bizarra edo ilea moztu nahi baduzu, dohako zerbitzuak izango dituzu, baina Araeta sagardotegiko sagardoa dastatzeko aukera ere.

Baina pintxopotea nahiago baduzu, lasai. Lasarte-Oriako 14 tabernek ideia berezi eta gozo batean parte hartuko dute. Kutxa Kulturrean joko duten banden izenak dituzten pintxoak prestatuko dituzte gau osoa kontzertuz kontzertu igarotzeko indarra izateko.

Eta musika? Nahiko kartel interesgarria izango dugu. Nabargarrienak The Jesus and Mary Chain eta The Hives dira. Gainera, Kataluniako Love of Lesbian banda bertan izango da, baita pop estiloa menperatzen duten The Divine Comedy irlandarrak. Baina oraindik festibalera joateko gogoak piztu ez bazaizkizu, Hercules & The Love Affair, The Drums, Amateur eta François & The Atlas Mountains bezalako taldeak ikusteko aukera izango duzu.

Beraz, festibalen denboraldiari merezitako agurra eman nahi badiozu, sarrerak online erosteko aukera duzu.

Fotos

Vídeos