http://static.elcorreo.com/www/menu/img/zurekin-desktop.jpg

Datorren azaroaren 10ean hasiko da ZINEBI jaialdiaren 59. edizioa

Aurtengo edizioko kartela./
Aurtengo edizioko kartela.

Lehenengo ekitaldian euskal film laburrak eta Alberto Iglesias konposatzaileari emango zaion saria izango dira nagusi

IZASKUN MOYANO

Gero eta gutxiago falta da, izan ere datorren azaroaren 10ean irekiko ditu ateak Bilboko Dokumental eta Film Laburren Nazioarteko Jaialdiak. Hots, ZINEBIren 59. Edizioko abian izango da. Lehendabiziko ekitaldian alde batetik, Alberto Iglesias konposatzaile donostiarrak ohorezko Mikeldia jasoko du. Bestalde, Sekzio Ofizialean lehiaketara aurkeztutako euskal film laburrak proiektatuko dira.

Irekitze ekitaldia Arriaga Antzokian arratsaldeko 20:00tik aurrera izango den arren, proiekzioen egoitza nagusia Golem zine-aretoak–Azkuna Zentroa izango da, eta saio berezi batzuk egongo dira Campos Antzokian, Guggenheim Museoaren auditorioan eta Kale nagusiko BBK Aretoan, beste gune batzuen artean.

Edizio honetako Ohorezko bigarren Mikeldia Marco Bellocchio zinegile italiarrari emango zaio. Ohikoa denez, oraingo honetan Bellocchiok azaroaren 17an hartuko du saria, jaialdiaren amaiera ekitaldian. Horrez gain, ekitaldi horretan bertan bere azken film laburra eskainiko da, Per una rosa (2017).

Sari ofizialen artean bere sari espezifikoa duen Latinoamerikako atalean aurten azpimarragarria da Argentina, Brasil, Txile, Kolonbia, Kuba, Mexiko eta Venezuelako filmen presentzia. ZINEBIn orain arte oso ohikoak izan ez diren filmak ere ikusi ahal izango ditugu nazioarteko lehiaketan, Kroazia, Estonia, Haiti, Iran, Lituania eta Mozambikekoak, besteak beste. Partaidetza zabal eta anitzak, bere generoan ospe handia duen lehiaketa honen izaera benetan nazioartekoa egiaztatzen du beste urte batez.

Izan ere, ZINEBIk eutsi egiten dio horrela bere nortasun zeinu nagusietako bati, film laburrari. 1974an Film Ekoizleen Elkarteen Nazioarteko Federazioaren (FIAPF) nazioarteko goreneko lehiaketa kategoriako jaialdi aitorpena jaso zuenetik, aurrera jarraitzen du bost kontinenteetako zuzendari gazteen sormena eta talentua bultzatzen, formatu horretako aukeraketaren bitartez. Beste urte batez, mundu osotik etorritako ehun lan baino gehiago eskainiko dizkie Bilboko ikus-entzuleei.

Temas

Euskera

Contenido Patrocinado

Fotos

Vídeos