http://static.elcorreo.com/www/menu/img/zurekin-desktop.jpg

Cristina Gonzalezek: «Turismoa gora egiten ari da Araban»

Bisitarien sarrerak % 6 hasi dira urtarriletik irailera bitartean. Hain turistikoak ez diren eskualdeak nabarmen ari dira hazten

I.AGOTE

Cristina González Enplegu, Merkataritza eta Turismo Sustapenaren eta Foru Administrazioaren Saileko foru diputatuak balantze “positiboa” egin du 2017an zehar turismoak Araban izan duen garapen eta bilakaeraz eta nabarmendu du sarrerek eta gaualdiek gora egin dutela % 5,8 eta % 3,3, hurrenez hurren, urteko lehen bederatzi hiletan lurralde historikoko ostatuetan.

Gonzalezek Arabako Batzar Nagusietan eman du informazio hori gaur eta azpimarratu du arloaren hazkundea gehiago nabaritzen ari dela hain turistikoak ez diren eskualdeetan eta, gainera, denboraldi baxuan. “Era orekatuan banatzen ari da eskualde guztietan eta, hain zuzen ere, handiagoa da turismoa ahulagoa den eremuetan. Hortaz, aurrera egin dugu agintaldiko helburuetako batean”.

Enplegu, Merkataritza eta Turismo Sustapenaren eta Foru Administrazioaren Saileko titularrak esan du urteko lehen bederatzi hilen emaitzak “positiboak direla argi eta garbi". Guztira, 327.638 pertsonak hautatu dute Araba urtarrilaren eta irailaren bitartean, aisialdia izan edo negozioak egiteko, 2016ko aldi berean baino % 5,8 gehiago; gaualdiak, berriz, 566.894 izan dira aldi berean, % 3,3 gehiago (EUSTATen datuak).

“Eta ezin dugu ahaztu 2016 urteanerrekorra hautsi zela bisitari eta gaualdiei dagokienez, hau da, gure erregistroak gero eta hobeak direla”, erantsi du.

Hazkunde orekatua

Foru gobernuak legegintzaldi hasieran abian jarri zuen estrategia turistiko berria, hauetan oinarrituta: Arabaren eskaintza bateratua kuadrillekin elkarlanean, web orria berriztatueta sare sozialak moduintentsiboan erabiltzea, eta fam trip-ak antolatzea agentziekin.

Estrategia horren helburua da bisitariek eta gaualdiek gora egitea, batez besteko egonaldia hobetzea eta barne turismoa sustatzea.

Helburu gehigarria da, Cristina Gonzalezek azaldu duenez, aurrera egitea lurralde orekarantz, lortzeko “ez izatea bakarrik Gasteiz eta Arabako Errioxa turismoaren hazkundearen onuradun, bertatik sartzen baitira bisitariak Arabara, baizik eta gainerako eskualdeakere bai. Gasteiz eta Arabako Errioxa hazi egin dira 2017an zehar, bai, baina gainerako kuadrilletan hazkunde tasak halako bi izan dira”.

“Eta, gainera, hazkundeak denboraldi baxu deritzoneko hiletan batzendira, hala nola otsaila, apirila (Aste Santua kenduta) eta maiatza; izan ere, horrek laguntzen du sektorea ez egotea denboraldiari begira eta enpleguari eustea urte osoan zehar”, adierazi du.Diputatuak esan du udako hiletako datuakere onak direla, bidaiarien sarrerak % 2 igobaitira, hau da, lurralde historiko guztietako indizerik onena.

Halaber, adierazi du urriko 12ko zubian egondako okupazio tasak ere osoa altuak izan zirela.“Arabako turismoa haziz doa eta, gainera, modu orekatu eta jasangarrian egiten ari da”.“Balantzea, beraz, positiboa da, oso positiboa esango nukenik, ahaztu gabe zalantzarik gabe hobetzeko tartea daukagula eta ezin garela bakarrik geratu zenbakiekin.

Guk argi daukagu Arabak, bertako erakundeek eta sektoreak lan egin behar dutela turismo jasangarrikoeredu batean, oinarrituta kalitatean eta ez kantitatean, aberastasun eta enplegu iturri izan dadin”, esan du amaitzeko.

Fotos

Vídeos