http://static.elcorreo.com/www/menu/img/zurekin-desktop.jpg

CAF-Elhuyar sarietara lanak aurkezteko epea amaitzeko hilabete falta da

Hiru kategoria daude eta lanak otsailaren 15era arte aurkeztu ahal izango dira

ELCORREO.COM

CAF-Elhuyar zientzia eta teknologia sarietara lanak aurkezteko epea otsailaren 15ean amaituko da, eta, beraz, hilabete barru bukatuko da. Zientzia eta teknologiaren arloko gaien eta ikerketen euskarazko gizarteratzea aitortzea eta bultzatzea dira lehiaketaren helburuak, eta aurten, antolatzaileek egileak gonbidatu dituzte «uretara jauzi egitera».

«Jaurti dezatela beren ideia, proiektua edo artikulua, urrutira iritsiko diren uhinak sor ditzaten, ingurua edo pentsamendua aldatuko duten uhin hedakorrak», adierazi dute.

Lehiaketak hiru kategoria ditu. Lehenik, Dibulgazio artikulu originalak kategoria bi azpikategoriatan banatuta dago: dibulgazio artikulu orokorrak eta egilearen doktore tesian oinarritutako dibulgazio artikuluak. Azpikategoria bakoitzaren irabazleak 2.000 euroko saria eta Imanol Andonegiren eskultura bat eskuratuko du.

Bigarrenik, Zientzi kazetaritzaren arloko lanak kategorian, 2017an euskaraz sortu eta argitaratutako kazetaritza lanak sarituko dira, edozein formatu eta generotakoak. Irabazleak 2.000 euro eta eskultura jasoko ditu.

Hirugarrenik, Zientzia Gizartean sorkuntza beka emango da. Zientziaren edo teknologiaren eta gizartearen arteko elkarrekintza lantzen duen proiektuak onartuko dira kategoria honetan, eta aukeratutako proiektuaren egileak hura gauzatzeko 5.000 euroko diru laguntza jasoko du, baita eskultura ere.

Horrez gain, aurten ere Neiker sari berezia emango zaio lehen sektoreari lotutako artikulu onenari. Saria 2.000 eurokoa izango da eta beste sariekin bateragarria, alegia, lehen sektoreko lan onenak beste kategoria bateko onena ere baden kasuan bi sariak jasoko ditu.

Lehiaketaren informazio guztia cafelhuyarsariak.elhuyar.eus helbidean eskuragarri dago, eta lanak datorren otsailaren 15era bitartean aurkez daitezke.

Temas

Euskera

Contenido Patrocinado

Fotos

Vídeos